Camel Flu : કોરોના કરતા પણ વધુ ખતરનાક વાયરસે દીધો ટકોરો, FIFA વર્લ્ડકપને લઈને ચેતવણી
ઓસ્ટ્રેલિયાના આરોગ્ય મંત્રાલયે તેની સત્તાવાર વેબસાઈટ પર એક એડવાઈઝરી જારી કરી છે જેમાં કહેવામાં આવ્યું છે કે, કતરથી પાછા ફરતા ચાહકોએ MERS વિશે સજાગ રહેવું.
Camel Flu in FIFA World Cup : હજી તો કોરોના મહામારીની મોકાણનો અંત નથી આવ્યો ત્યાં હવે એક નવી બિમારી ટકોરા મારવા લાગી છે. આ બિમારીને કોવિડ-19 કરતા પણ વધારે ખતરનાક માનવામાં આવે છે. આ બિમારીનું નામ છે કેમલ ફ્લ્યૂ. આ બિમારીની અસર ફિફા વર્લ્ડકપ પર પણ વર્તાઈ શકે છે. દુનિયાભરના અનેક આરોગ્ય નિષ્ણાતોએ કતરમાં ખેલાઈ રહેલા ફિફા વર્લ્ડ કપમાંથી પરત ફરી રહેલા ફૂટબોલ ચાહકોને આ મામલે ચેતવણી આપી છે.
દુનિયાભરના ડોકટરોએ જણાવ્યું હતું કે, કતરથી ઘરે પરત ફરનારા તમામ ચાહકોએ MERS વિશે જાણકારી મેળવી લેવી જોઈએ. યુકે હેલ્થ સિક્યુરિટી એજન્સી (યુકેએચએસએ) એ પણ ડોકટરોને તાવ અને શ્વાસની તકલીફથી પીડિત લોકોને ટ્રેસ કરવા જણાવ્યું છે.
UKHSAએ જણાવ્યું હતું કે, યુકેના રહેવાસીઓ માટે ચેપનું જોખમ ઘણું ઓછું છે, પરંતુ જે લોકો આ પ્રદેશમાં જોખમી પરિબળોના સંપર્કમાં આવવાથી તેમના પર જોખમ વધી શકે છે.
ઓસ્ટ્રેલીયાએ બહાર પાડી એડવાઈઝરી
ઓસ્ટ્રેલિયાના આરોગ્ય મંત્રાલયે તેની સત્તાવાર વેબસાઈટ પર એક એડવાઈઝરી જારી કરી છે જેમાં કહેવામાં આવ્યું છે કે, કતરથી પાછા ફરતા ચાહકોએ MERS વિશે સજાગ રહેવું અને લોકોએ સ્વચ્છતાનું પાલન કરવું જોઈએ. ઊંટ સાથે નજીકના સંપર્કમાં આવવાનું ટાળવું જોઈએ. આ ઉપરાંત રંધાયા વગરનું માંસ ખાવાનું ટાળવા પણ કહેવામાં આવ્યું છે. ડોકટરોએ કહ્યું હતું કે, તેનાથી ચેપ ફેલાવાનું જોખમ ઘણું વધારે છે.
અત્યાર સુધીમાં કેટલા કેસ નોંધાયા?
સમગ્ર વિશ્વમાં MERS કેસમાં સતત વધારો થવાને પગલે આ સલાહ આપવામાં આવી છે. UKHSA ડેટા અનુસાર, એપ્રિલ 2012થી ઓક્ટોબર 2022 સુધીમાં વિશ્વ આરોગ્ય સંસ્થા (WHO)ને વૈશ્વિક સ્તરે MERS-CoVના 2,600 કેસોની પુષ્ટિ અને 935 લોકોના આ ચેપ સાથે સંબંધિત મૃત્યુ થયાના જાણકારી પ્રાપ્ત થઈ છે.
પ્રથમ કેસ ક્યારે નોંધાયો?
2012માં સૌપ્રથમવાર સાઉદી અરેબિયામાં MERS વાયરસનો કેસ સામે આવ્યો હતો. આ એક શ્વાસ સંબંધીત રોગ છે. આ પણ એક પ્રકારનો કોરોના વાયરસ જ છે. તેને કોવિડ કરતાં પણ વધુ ખતરનાક માનવામાં આવે છે. ડબ્લ્યુએચઓએ વધુમાં જણાવ્યું હતું કે, માનવ-થી-માનવ ટ્રાન્સમિશન શક્ય છે અને તે મુખ્યત્વે નજીકના સંપર્ક અને સ્વાસ્થ્ય સંભાળ સેટિંગ્સમાં થયું છે.
ટ્રેન્ડિંગ સમાચાર
ટોપ સ્ટોરી
