ભારત-પાકિસ્તાન તણાવ વચ્ચે ચીને બતાવ્યા પોતાના રંગ: ચીનના વિદેશ મંત્રી વાંગ યીએ કહ્યું - અમે પાકિસ્તાન સાથે....
પાકિસ્તાનના વિદેશ મંત્રી ઇશાક ડાર સાથે ટેલિફોનિક વાતચીતમાં વાંગ યીએ જણાવ્યું, 'પાકિસ્તાનની સાર્વભૌમત્વ, પ્રાદેશિક અખંડિતતા અને રાષ્ટ્રીય સ્વતંત્રતા જાળવી રાખવામાં ચીન તેની સાથે રહેશે'.
China supports Pakistan: ભારત અને પાકિસ્તાન વચ્ચે ચાલી રહેલા તણાવ અને તાજેતરના યુદ્ધવિરામ ભંગના માહોલ વચ્ચે ચીને પોતાનો સાચો રંગ બતાવ્યો છે. ચીનના વિદેશ મંત્રી વાંગ યીએ પાકિસ્તાનને ખુલ્લો ટેકો જાહેર કરતા જણાવ્યું છે કે તેમનો દેશ પાકિસ્તાનની "સાર્વભૌમત્વ, પ્રાદેશિક અખંડિતતા અને રાષ્ટ્રીય સ્વતંત્રતા" જાળવી રાખવામાં તેની સાથે ઊભો રહેશે.
ભારત અને પાકિસ્તાન વચ્ચે હાલ ચાલી રહેલા તણાવભર્યા માહોલ અને યુદ્ધવિરામ કરારના ઉલ્લંઘન બાદ ચીને પોતાનું પાકિસ્તાન તરફી વલણ સ્પષ્ટ કર્યું છે. ચીનના વિદેશ પ્રધાન વાંગ યીએ શનિવારે (૧૦ મે, ૨૦૨૫) પાકિસ્તાનના નાયબ વડા પ્રધાન અને વિદેશ પ્રધાન ઇશાક ડાર સાથે ટેલિફોન પર વાતચીત કરી હતી.
આ વાતચીત દરમિયાન, ચીનના વિદેશ મંત્રી વાંગ યીએ જણાવ્યું હતું કે તેમનો દેશ પાકિસ્તાનની "સાર્વભૌમત્વ, પ્રાદેશિક અખંડિતતા અને રાષ્ટ્રીય સ્વતંત્રતા" જાળવી રાખવામાં તેની સાથે રહેશે. વિદેશ કાર્યાલયના નિવેદન અનુસાર, આ ટિપ્પણીઓ ભારત અને પાકિસ્તાન વચ્ચેના વર્તમાન સંઘર્ષની પૃષ્ઠભૂમિમાં કરવામાં આવી છે.
ચીનનું આ નિવેદન વૈશ્વિક રાજકારણમાં મહત્વપૂર્ણ છે, કારણ કે તે ભારત-પાકિસ્તાન સંબંધોમાં ચીનના સ્પષ્ટ પક્ષને ફરીથી પુષ્ટિ આપે છે. ભૂતકાળમાં પણ ચીન પાકિસ્તાનનું નજીકનું સહયોગી રહ્યું છે, અને આ નિવેદન દર્શાવે છે કે વર્તમાન તણાવમાં પણ ચીન પાકિસ્તાનના સમર્થનમાં ઊભું છે, જે ક્ષેત્રીય સુરક્ષા સમીકરણો પર વધુ અસર કરી શકે છે.
યુદ્ધવિરામના ગણતરીના કલાકોમાં ભંગ: પાકિસ્તાન સેનાએ LoC પર ગોળીબાર શરૂ કર્યો
ભારત અને પાકિસ્તાન વચ્ચે ગણતરીના કલાકો પહેલા જ જાહેર થયેલા યુદ્ધવિરામનો ભંગ થવાના ચોંકાવનારા અહેવાલો સામે આવ્યા છે. પાકિસ્તાન સેના દ્વારા નિયંત્રણ રેખા (LoC) અને આંતરરાષ્ટ્રીય સરહદ પર યુદ્ધવિરામનું ઉલ્લંઘન કરીને ગોળીબાર શરૂ કરવામાં આવ્યો છે, જેના જવાબમાં ભારતીય સીમા સુરક્ષા બળ (BSF) પણ જડબાતોડ જવાબ આપી રહ્યું છે.
જમ્મુ અને કાશ્મીર રાજ્યના અહેવાલો અનુસાર, પાકિસ્તાન સેના દ્વારા આંતરરાષ્ટ્રીય સરહદ પર અને નિયંત્રણ રેખા (LoC) પર યુદ્ધવિરામનું ઉલ્લંઘન કરવામાં આવ્યું છે. જમ્મુના ઘણા વિસ્તારોમાં પાકિસ્તાન દ્વારા યુદ્ધવિરામનો ભંગ કરતા ગોળીબાર કરવામાં આવી રહ્યો છે. સુંદરબન, અખનૂર અને નૌશેરા જેવા સંવેદનશીલ વિસ્તારોમાં પણ યુદ્ધવિરામનો ભંગ કરીને પાકિસ્તાન દ્વારા ગોળીબાર કરાઈ રહ્યો છે.
આ ગોળીબારના જવાબમાં ભારતીય સીમા સુરક્ષા બળ (BSF) દ્વારા પાકિસ્તાનને યોગ્ય અને આક્રમક જવાબ આપવામાં આવી રહ્યો છે. ભારતીય જવાનો પાકિસ્તાન તરફથી થતી નાપાક હરકતોનો મજબૂત રીતે સામનો કરી રહ્યા છે.
ટોપ સ્ટોરી
ટ્રેન્ડિંગ સમાચાર
