![ABP Premium](https://cdn.abplive.com/imagebank/Premium-ad-Icon.png)
China Military Base: ચીન ભારત પર હુમલાનું ઘડી રહ્યું છે કાવતરુ! POKની નજીક 13 હજાર ફૂટની ઉંચાઇ પર બનાવી રહ્યું છે સૈન્ય મથક
China Military Base: પૂર્વ લદ્દાખમાં સફળતા ન મળ્યા બાદ હવે ચીનની નજર PoK પર છે. સેટેલાઇટ તસવીરોથી જાણવા મળ્યું છે કે ચીન કઝાકિસ્તાનમાં 13 હજાર ફૂટની ઉંચાઈ પર સૈન્ય મથક બનાવી રહ્યું છે.
![China Military Base: ચીન ભારત પર હુમલાનું ઘડી રહ્યું છે કાવતરુ! POKની નજીક 13 હજાર ફૂટની ઉંચાઇ પર બનાવી રહ્યું છે સૈન્ય મથક China Military Base china built a military base near pok in kazakhstan China Military Base: ચીન ભારત પર હુમલાનું ઘડી રહ્યું છે કાવતરુ! POKની નજીક 13 હજાર ફૂટની ઉંચાઇ પર બનાવી રહ્યું છે સૈન્ય મથક](https://feeds.abplive.com/onecms/images/uploaded-images/2024/07/17/53e6cf0255319d2582215e07f563eb27172118274876474_original.jpg?impolicy=abp_cdn&imwidth=1200&height=675)
China Military Base: પૂર્વ લદ્દાખમાં સફળતા ન મળ્યા બાદ હવે ચીનની નજર PoK પર છે. સેટેલાઇટ તસવીરોથી જાણવા મળ્યું છે કે ચીન કઝાકિસ્તાનમાં 13 હજાર ફૂટની ઉંચાઈ પર સૈન્ય મથક બનાવી રહ્યું છે. આ સ્થળ PoKની ખૂબ નજીક છે. ચીન આ વિસ્તારમાં ગુપ્ત સૈન્ય મથક બનાવવા અને ત્યાં આર્ટિલરી જમા કરવા માંગે છે. હાલમાં ચીને મીડિયામાં આવી રહેલા અહેવાલોને સંપૂર્ણપણે ફગાવી દીધા છે અને તેને પાયાવિહોણા ગણાવ્યા છે.
ચીન હંમેશા વિસ્તરણવાદી માનસિકતા ધરાવે છે. ચીન હંમેશા તેના પડોશી દેશોની જમીન પર કબજો કરવાનો પ્રયાસ કરે છે. આ વખતે એવો દાવો કરવામાં આવી રહ્યો છે કે ચીન PoKને અડીને આવેલા કઝાકિસ્તાનમાં એક સૈન્ય મથક બનાવી રહ્યું છે અને આ કામ દાયકાઓથી ચાલી રહ્યું છે. આ વાતનો ખુલાસો ધ ટેલિગ્રાફના એક રિપોર્ટમાં થયો છે, જેમાં સેટેલાઇટ તસવીરોને ટાંકીને કહેવામાં આવ્યું છે કે ચીન લગભગ એક દાયકાથી કઝાકિસ્તાનમાં સૈન્ય મથક બનાવી રહ્યું છે. તે 13 હજાર ફૂટની ઉંચાઈ પર છે. સોવિયત યુનિયન અને રશિયાથી અલગ થયા પછી કઝાકિસ્તાન એક સ્વતંત્ર દેશ બન્યો હતો.
ચીને મીડિયાના અહેવાલોને ખોટા ગણાવ્યા
મીડિયામાં આવા સમાચાર આવતા જ ચીને પ્રતિક્રિયા આપી હતી. ચીની દૂતાવાસે કહ્યું કે, કઝાકિસ્તાનમાં ચીનના સૈન્ય મથકને લઈને મીડિયામાં ફરતા સમાચાર સંપૂર્ણપણે ખોટા અને પાયાવિહોણા છે. આ મુદ્દો ચીન-કઝાકિસ્તાનના એજન્ડામાં પણ સામેલ નથી. વાસ્તવમાં મેક્સાર ટેક્નોલોજિસે સેટેલાઇટથી લીધેલી કેટલીક તસવીરો શેર કરી છે, જેના સંદર્ભમાં દાવો કરવામાં આવ્યો છે કે ચીન એક ગુપ્ત સૈન્ય મથક બનાવી રહ્યું છે. તસવીરોમાં મિલિટરી બેઝની દિવાલો અને આવવા જવાના રસ્તાઓ દેખાઈ રહ્યા છે.
કાઉન્ટર ટેરર બેઝ વ્યૂહાત્મક રીતે મહત્વપૂર્ણ
મીડિયા રિપોર્ટ્સમાં એવો પણ દાવો કરવામાં આવ્યો છે કે બંને દેશોએ આ મિલિટરી બેઝ પર સર્વેલન્સ ટાવર લગાવ્યા છે. જે જગ્યા પર સૈન્ય મથક બનાવવામાં આવ્યું છે તે વ્યૂહાત્મક રીતે મહત્વપૂર્ણ છે અને તે અફઘાન સરહદ પર છે. તે લગભગ 4 હજાર મીટરની ઉંચાઈ પર પર્વત પર બનાવવામાં આવ્યું છે. ઈકોનોમિક ટાઈમ્સના એક રિપોર્ટમાં કહેવામાં આવ્યું છે કે બંને દેશોએ તેને વર્ષ 2021માં બનાવ્યું છે અને તેને કાઉન્ટર ટેરર બેઝ નામ આપવામાં આવ્યું છે. ચીન આ સૈન્ય મથક દ્વારા મધ્ય એશિયામાં પોતાની પકડ મજબૂત કરી રહ્યું છે.
ટ્રેન્ડિંગ સમાચાર
ટોપ સ્ટોરી
![ABP Premium](https://cdn.abplive.com/imagebank/metaverse-mid.png)
![gujarati.abplive.com](https://cdn.abplive.com/imagebank/editor.png)