Covid New Variant: અનેક દેશોએ લગાવેલા પ્રતિબંધોથી અકળાયું દક્ષિણ આફ્રિકા, કહી આ વાત

Covid New Variant સલામતીના ભાગ રૂપે અમેરિકા પણ દક્ષિણ આફ્રિકા સહિત આઠ દેશો કે જ્યાંથી નવો સ્ટ્રેન ફેલાયો છે ત્યાંથી હવાઇ યાત્રા પર પ્રતિબંધ લગાવવાની તૈયારી કરી રહ્યું છે.

ફાઈલ તસવીર

Covid New Variant કોરોના વાયરસના નવા વેરિયંટ એમીક્રોને વિશ્વભરમાં ફફડાટ ફેલાવ્યો છે. ભારતમાં પણ આ વાયરસનું સંક્રમણ રોકવા માટે શક્ય દરેક કોશિશ કરવામાં આવી રહી છે. આ ક્રમમાં તાજેતરમાં દક્ષિણ આફ્રિકાથી પરત ફરેલા 94 લોકોની કોરોના તપાસ કરવામાં આવી છે. જેમાં બે લોકો પોઝિટિવ આવ્યા છે. વાયરસના નવા સ્ટ્રેનને વિશ્વ સ્વાસ્થ્ય સંગઠને ચિંતાનો પ્રકાર ગણાવ્યો છે.

નવા સ્ટ્રેનની ઓળખ કરનારા દેશ દક્ષિણ આફ્રિકાએ શનિવારે ફરિયાદ કરી હતી કે, એમીક્રોન સ્ટ્રેનની ઓળખ કરવાની તેમને સજા આપવામાં આવી રહી છે. દક્ષિણ આફ્રિકાએ જ્યારથી આ વાયરસના નવા સ્ટ્રેન અંગે જાહેરાત કરી છે ત્યારથી અનેક દેશોએ ત્યાંથી આવતાં મુસાફરો પર પ્રતિબંધ લગાવી દીધો છે. ભારત સરકારે પણ આ સ્ટ્રેનના સંક્રમણથી બચવાની સતર્કતા અપનાવીને 12 દેશોથી આવતાં મુસાફરોનું એરપોર્ટ પર કોરોના ટેસ્ટિંગ ફરજિયાત કર્યુ છે.

શું કહ્યું સાઉથ આફ્રિકાના વિદેશ મંત્રાલયે

સાઉથ આફ્રિકાના વિદેશ મંત્રાલયે એક નિવેદન બહાર પાડીને કહ્યું, કોરોના વાયરસના ઓમિક્રોન સંક્રમણના મામલા વધવાની સાથે વિશ્વભરના અનેક દેશોએ અહીં યાત્રા પર પ્રતિબંધ મૂકી દીધો છે. જે એક પક્ષપાત છે, કારણકે અમરા દેશ ઉપરાંત અન્ય દેશોએ અલગ વેરિયન્ટ અંગે ભાળ મેળવી ત્યારે તેમની પ્રતિક્રિયાઓ અળગ હતી.

અમેરિકા શું કરી રહ્યો છે તૈયારી

સલામતીના ભાગ રૂપે અમેરિકા પણ દક્ષિણ આફ્રિકા સહિત આઠ દેશો કે જ્યાંથી નવો સ્ટ્રેન ફેલાયો છે ત્યાંથી હવાઇ યાત્રા પર પ્રતિબંધ લગાવવાની તૈયારી કરી રહ્યું છે. આ દરમિયાન દક્ષિણ આફ્રિકા બાદ સેરેલ અને બેલ્જિયમે પણ તેમના દેશમાં ઓમાક્રોનના મામલા સામે આવ્યાની જાહેરાત કરી છે.

વર્લ્ડ હેલ્થ ઓર્ગેનાઈઝેશન (WHO) ની સલાહકાર સમિતિએ નવા પ્રકારના કોરોના વાયરસ (New Corona variant B.1.1.529) ને ‘Omricron’ નામ આપ્યું છે. આ સાથે WHOએ નવા કોરોના વેરિઅન્ટને 'ખૂબ જ ઝડપથી ફેલાતો ચિંતાજનક વેરિઅન્ટ' ગણાવ્યો છે.