'તેઓ અમારા પર કીચડ ઉછાળે છે...', ટ્રમ્પ અને પીએમ મોદીનું નામ લઇ લિબરલ્સ પર કેમ ભડકી ઇટાલી PM ?

Italy PM Giorgia Meloni in CPAC: પીએમ મેલોનીએ ભારપૂર્વક જણાવ્યું હતું કે ડોનાલ્ડ ટ્રમ્પના સત્તામાં પાછા આવ્યા પછી ડાબેરીઓનો ગુસ્સો ઉન્માદમાં ફેરવાઈ ગયો છે

(તસવીર- એબીપી લાઇવ)

Source : એબીપી અસ્મિતા

Italy PM Giorgia Meloni in CPAC: ઇટાલીના વડાપ્રધાન જ્યોર્જિયા મેલોનીએ દાવો કર્યો છે કે ડાબેરીઓ યુએસ રાષ્ટ્રપતિ ડોનાલ્ડ ટ્રમ્પની જીતથી નારાજ છે. મેલોનીએ ઉદારવાદીઓ અને ડાબેરીઓ પર બેવડા ધોરણો અપનાવવાનો આરોપ મૂક્યો છે. ઇટાલિયન પીએમ વૈશ્વિક રૂઢિચુસ્તોને 'લોકશાહી માટે ખતરો' કહેવા બદલ ડાબેરીઓ અને ઉદારવાદીઓની ટીકા કરે છે.

શનિવારે (22 ફેબ્રુઆરી) અમેરિકાની રાજધાની વોશિંગ્ટન ડીસીમાં કન્ઝર્વેટિવ પોલિટિકલ એક્શન કોન્ફરન્સ (CPAC) ને વીડિયો લિંક દ્વારા સંબોધતા, મેલોનીએ અમેરિકી રાષ્ટ્રપતિ ડોનાલ્ડ ટ્રમ્પ અને ઉપરાષ્ટ્રપતિ જેડી વાન્સની પ્રશંસા કરી, જ્યારે ઉચ્ચ વર્ગ અને ડાબેરી રાજકારણીઓની ટીકા કરી.

પીએમ મેલોનીએ ભારપૂર્વક જણાવ્યું હતું કે ડોનાલ્ડ ટ્રમ્પના સત્તામાં પાછા આવ્યા પછી ડાબેરીઓનો ગુસ્સો ઉન્માદમાં ફેરવાઈ ગયો છે. આ ફક્ત એટલા માટે નથી કારણ કે કન્ઝર્વેટિવ્સ ચૂંટણી જીત્યા, પણ એટલા માટે પણ કારણ કે તેઓ હવે આંતરરાષ્ટ્રીય સ્તરે સાથે મળીને કામ કરી રહ્યા છે.

VIDEO | "The Left is nervous and with Trump's victory, their irritation has turned into hysteria, not only because conservatives are winning, but because conservatives are now collaborating globally. When Bill Clinton and Tony Blair created the global leftist liberal network in… pic.twitter.com/uqBmi5bCxp

— Press Trust of India (@PTI_News) February 22, 2025

મેલોનીએ કહ્યું, “જ્યારે બિલ ક્લિન્ટન અને ટોની બ્લેરે 90ના દાયકામાં વૈશ્વિક ડાબેરી ઉદારવાદી નેટવર્ક બનાવ્યું, ત્યારે તેમને રાજકારણી કહેવામાં આવતા હતા અને જ્યારે ટ્રમ્પ, મેલોની, મિલી કે મોદી વાત કરે છે, ત્યારે તેમને લોકશાહી માટે ખતરો કહેવામાં આવે છે. આ તેમનું બેવડું ધોરણ છે, પણ હવે આપણે તેનાથી ટેવાઈ ગયા છીએ અને સારી વાત એ છે કે હવે લોકો તેમના જૂઠાણા પર વિશ્વાસ કરતા નથી. તો હવે તેઓ ગમે તેટલો કાદવ ફેંકે, જનતા અમને મત આપતી રહેશે.

મેલોનીએ ટ્રમ્પનું કર્યુ સમર્થન 
ઇટાલીના પીએમ ગિઓર્ડાનો મેલોનીએ અમેરિકી રાષ્ટ્રપતિ ડોનાલ્ડ ટ્રમ્પની એક મજબૂત નેતા તરીકે પ્રશંસા કરી છે અને તેમના રાષ્ટ્રપતિ કાર્યકાળ દરમિયાન રૂઢિચુસ્ત ચળવળમાં કોઈપણ તણાવની શક્યતાને સંપૂર્ણપણે નકારી કાઢી છે. તેણીએ કહ્યું, "અમારા વિરોધીઓ રાષ્ટ્રપતિ ટ્રમ્પને અમેરિકાથી દૂર ભગાડવાની આશા રાખી રહ્યા છે, પરંતુ રાષ્ટ્રપતિ ટ્રમ્પની શક્તિ અને પ્રભાવને જોતાં, હું શરત લગાવવા તૈયાર છું કે ભાગલાની આશા રાખનાર કોઈપણ ખોટો સાબિત થશે."

ઉપરાષ્ટ્રપતિ જેડી વેન્સનો કર્યો બચાવ 
આ ઉપરાંત, CPAC ખાતેના તેમના સંબોધન દરમિયાન ઇટાલીના વડાપ્રધાન જ્યોર્જિયા મેલોનીએ મ્યૂનિક સુરક્ષા પરિષદમાં યુએસ ઉપરાષ્ટ્રપતિ જેડી વાન્સના ભાષણનો બચાવ કર્યો, જેના માટે યુએસ ઉપરાષ્ટ્રપતિની ભારે ટીકા થઈ હતી.

આ પણ વાંચો