દુનિયામાં કોઇ પાસે નહી રહે કામ, AIને લઇને એલન મસ્કે કરી મોટી ભવિષ્યવાણી

અમેરિકન અબજોપતિ અને ટેસ્લાના સીઈઓ એલન મસ્કે એઆઈ વિશે એક મોટી ભવિષ્યવાણી કરી છે

એલન મસ્ક

Source : PTI

Elon Musk On AI: અમેરિકન અબજોપતિ અને ટેસ્લાના સીઈઓ એલન મસ્કે એઆઈ વિશે એક મોટી ભવિષ્યવાણી કરી છે. તેમણે કહ્યું કે આગામી વર્ષોમાં AI બધી નોકરીઓ ખતમ કરી દેશે. મસ્કે પેરિસમાં આયોજિત એક કાર્યક્રમ દરમિયાન પોતાના ભાષણમાં કહ્યું હતું કે દુનિયામાં કોઈ પાસે કામ બચશે નહીં અને AI અને રોબોટ્સ બધું જ કરશે. માણસ ફક્ત શોખની રીતે કામ કરશે. નોંધનીય છે કે ઘણા સમયથી એવો ડર વ્યક્ત કરવામા આવી રહ્યો છે કે AI માણસોનું સ્થાન લેશે.

નોકરી કરવી વૈકલ્પિક રહેશે - મસ્ક

મસ્કે કહ્યું કે "કદાચ આપણામાંથી કોઈની પાસે નોકરી રહેશે નહી. તેમણે કહ્યું કે AI રોબોટ્સ બધી ભૂમિકાઓ સંભાળશે અને કામ કરવું વૈકલ્પિક બની જશે. જો કોઈને શોખ હોય તો તે નોકરી કરશે, પરંતુ AI અને રોબોટ્સ દરેક કામ કરી શકશે. તેમણે કહ્યું કે આવી સ્થિતિમાં દુનિયાને યુનિવર્સલ હાઇ ઇનકમની વ્યવસ્થાની જરૂર પડશે જેથી લોકો પાસે રહેવા માટે પૂરતા સંસાધનો હોય. ટેસ્લાના સીઈઓએ કહ્યું કે શું AI અને રોબોટ્સના આગમન પછી લોકોના જીવનમાં કોઈ અર્થ બચશે?

મસ્કે કહ્યું - માનવતા માટે AI બનાવવાની જરૂર છે

આ પહેલી વાર નથી જ્યારે મસ્કે AI વિશે ચિંતા વ્યક્ત કરી હોય. તેમણે અગાઉ AI માં ઝડપી વિકાસ અંગે ચિંતા વ્યક્ત કરી છે. અમેરિકન અબજોપતિએ એ પણ પુનરાવર્તન કર્યું કે AI ને સત્ય શોધવા અને માનવતાના કલ્યાણ માટે ડિઝાઇન કરવું જોઈએ. તેમણે કહ્યું કે હાલમાં મુખ્ય AI કાર્યક્રમોને સત્યવાદી બનવાને બદલે રાજકીય રીતે યોગ્ય બનવાની તાલીમ આપવામાં આવી રહી છે. પોતાના ભાષણમાં મસ્કે લોકોને તેમના બાળકોને સોશિયલ મીડિયાથી દૂર રાખવાની સલાહ પણ આપી હતી.