Iran-Israel War :અમેરિકી સૈન્ય હુમલા બાદ ઇરાને મિસાઇલ અટેક કરતા ઇઝરાયલમાં વિસ્ફોટ, જાણો ડિટેલ
Iran-Israel War :ઇઝરાયલી સૈન્યનું કહેવું છે કે તેણે ઇરાનથી છોડવામાં આવેલી મિસાઇલો ઓળખી કાઢી છે. ઇઝરાયલની સંરક્ષણ પ્રણાલીઓ આ ખતરાને રોકવા માટે કાર્યરત છે.
Iran-Israel War :તેલ અવીવના સૌથી નજીકના સાથી અમેરિકા દ્વારા ઈરાનમાં ત્રણ પરમાણુ સ્થળો પર હુમલો કર્યાના કલાકો પછી ઈરાને ઈઝરાયલ તરફ મિસાઈલોનો મારો શરૂ કર્યો. ઈઝરાયલના કેટલાક ભાગોમાં સાયરન વાગ્યું અને તેલ અવીવ સહિત મધ્ય ઈઝરાયલના કેટલાક ભાગોમાં વિસ્ફોટોના અવાજ સંભળાયા.
ઇઝરાયલી સૈન્યનું કહેવું છે કે તેણે ઇરાનથી છોડવામાં આવેલી મિસાઇલો ઓળખી કાઢી છે, અને દેશની સંરક્ષણ પ્રણાલીઓ આ ખતરાને રોકવા માટે કામ કરી રહી છે.સમાચાર એજન્સી AFP અનુસાર,ઈરાનથી ઈઝરાયલ પર 30 મિસાઈલ છોડવામાં આવી છે.
યુએસ પ્રમુખ ડોનાલ્ડ ટ્રમ્પે રવિવારે જાહેરાત કરી હતી કે, દેશે ત્રણ પરમાણુ સ્થળો - ફોર્ડો, નાતાન્ઝ અને એસ્ફહાન પર હુમલો કર્યો છે. ઇઝરાયલે પરમાણુ અને લશ્કરી સ્થળો,ટોચના સેનાપતિઓ અને વૈજ્ઞાનિકોને નિશાન બનાવીને હુમલા શરૂ કર્યાના એક અઠવાડિયા કરતાં વધુ સમય પછી યુએસ લશ્કરી કાર્યવાહી કરવામાં આવી છે.
આ હુમલામાં ઈરાનના ફોર્ડો પરમાણુ ઇંધણ સંવર્ધન પ્લાન્ટ પર GBU-57 મેસિવ ઓર્ડનન્સ પેનિટ્રેટર તરીકે ઓળખાતા બંકર-બસ્ટર બોમ્બનો ઉપયોગ કરવામાં આવ્યો હતો. હાલમાં આ બોમ્બ ફક્ત B-2 સ્ટીલ્થ બોમ્બર દ્વારા જ ફેંકવામાં આવે છે, જે ફક્ત યુએસ શસ્ત્રાગારમાં જ જોવા મળે
આ ઉપરાંત, યુએસ સબમરીન દ્વારા લગભગ ૩૦ ટોમાહોક મિસાઇલો છોડવામાં આવી હતી.ત્યારથી, યુએસએ ઈરાન સામે કડક વલણ અપનાવ્યું છે અને તેને પીછેહઠ કરવા કહ્યું છે.વ્હાઇટ હાઉસે કહ્યું હતું કે ટ્રમ્પ અમેરિકા સંઘર્ષમાં ઉતરશે કે નહીં અને સૈનિકો મોકલશે કે નહીં તે અંગે વિચાર-વિમર્શ કરવા માટે વધારાનો સમય માંગી રહ્યા છે.
પરમાણુ સ્થળો પર હુમલા બાદ કિરણોત્સર્ગના ભય વચ્ચે, ઈરાને કહ્યું કે, ત્રણેય સ્થળોએ રિડ્યોધર્મી દૂષણના કોઈ સંકેતો નથી અને નજીકના રહેવાસીઓ માટે કોઈ ખતરો નથી.
ટોપ સ્ટોરી
ટ્રેન્ડિંગ સમાચાર
