ઇન્ડોનેશિયામાં મદુરા ટાપુ પાસે જહાજમાં લાગી આગ, 5 ના મોત, 41 લાપતા

આગ લાગી તે સમયે જહાજમાં 271 મુસાફરો અને ક્રૂ મેમ્બર્સ સવાર હતા. રવિવાર બપોર સુધીમાં ઓછામાં ઓછા 225 લોકોને બચાવી લેવાયા હતા. જ્યારે લાપતા થયેલા લોકોને શોધવા માટે બચાવ કામગીરી ચાલુ છે.

ઇન્ડોનેશિયા ખાતે જહાજમાં લાગી આગ

Source : X

Show Quick Read

Key points generated by AI, verified by newsroom

• ઇન્ડોનેશિયાના મદુરા ટાપુ પાસે જહાજમાં ભીષણ આગ, 5 મૃત્યુ.
• જહાજમાં 271 લોકોમાંથી 225 બચાવ્યા, 41 હજુ ગુમ છે.
• મોટાપાયે રાહત અને બચાવ કાર્ય ચાલુ, આગનું કારણ અજ્ઞાત.
• આવા દરિયાઈ અકસ્માતો ઇન્ડોનેશિયામાં સામાન્ય ઘટના છે.

Indonesia Ship Fire: ઇન્ડોનેશિયાના મદુરા ટાપુ (Madura Island) પાસે એક પેસેન્જર જહાજમાં ભીષણ આગ લાગવાથી 5 લોકોના મોત થયા છે અને 41 લોકો લાપતા હોવાનું કહેવાય છે. અધિકારીઓને ટાંકીને આ માહિતી સામે આવી છે. ઘટના બાદથી જ રેસ્ક્યૂ ઓપરેશન ચલાવવામાં આવી રહ્યું છે. ઇન્ડોનેશિયાની રેસ્ક્યૂ એજન્સીના જણાવ્યા અનુસાર, આગ લાગી તે સમયે જહાજમાં 271 મુસાફરો અને ક્રૂ મેમ્બર્સ સવાર હતા. રવિવાર બપોર સુધીમાં ઓછામાં ઓછા 225 લોકોને સુરક્ષિત બચાવી લેવાયા હતા, જ્યારે લાપતા લોકોને શોધવાના પ્રયાસો ચાલી રહ્યા છે.

 

રેસ્ક્યૂ માટે અનેક જહાજો તૈનાત

મળતી માહિતી મુજબ, આ જહાજ પૂર્વ જાવા પ્રાંતના સુરાબાયાથી દક્ષિણ સુલાવેસીના મકાસર જઈ રહ્યું હતું. ત્યારે જાવાના ઉત્તર-પૂર્વીય કિનારા પાસે આવેલા મદુરા ટાપુ નજીક તેમાં અચાનક આગ લાગી ગઈ હતી. રાહત અને બચાવ કાર્ય માટે અનેક જહાજો તૈનાત કરવામાં આવ્યા છે. વળી, અધિકારીઓ આસપાસના દરિયાઈ વિસ્તારમાં શોધખોળ ચલાવી રહ્યા છે જેથી જહાજ પર સવાર તમામ લોકોની ભાળ મેળવી શકાય.

એક વર્ષ પહેલા પણ થઈ હતી આવી જ ઘટના

હાલમાં આગ લાગવાનું ચોક્કસ કારણ જાણી શકાયું નથી. આ ઘટના ઇન્ડોનેશિયામાં બરાબર એક વર્ષ પહેલાં અન્ય એક જહાજમાં લાગેલી ભયાનક આગ બાદ સામે આવી છે. જુલાઈ 2025 માં નોર્થ સુલાવેસી પ્રાંત પાસે એક પેસેન્જર જહાજમાં આગ લાગી હતી, જેમાં 3 લોકોના મોત થયા હતા અને આશરે 150 લોકોને બચાવી લેવાયા હતા. તે જહાજનું નામ KM બાર્સિલોના 5 (KM Barcelona 5) હતું અને તેમાં 280 લોકો સવાર હતા. ગયા વર્ષે 19 જુલાઈએ પાટનગર મનાડો નજીક આ દુર્ઘટના ઘટી હતી.

ઇન્ડોનેશિયામાં સામાન્ય છે આવા અકસ્માતો

આ પહેલા વર્ષ 2021 માં ટર્નેટથી ઉપડ્યાના થોડા જ સમય બાદ મોલુક્કા સાગરમાં KM કાર્યા ઇન્દાહ નામના જહાજમાં આગ લાગી હતી, જેના કારણે મુસાફરો અને ક્રૂ મેમ્બર્સને દરિયામાં કૂદવાની ફરજ પડી હતી. તે સમયે અધિકારીઓ અને સ્થાનિક માછીમારોની બોટની મદદથી 22 બાળકો અને 14 ક્રૂ સભ્યો સહિત 181 મુસાફરોને બચાવી લેવાયા હતા. 17,000 થી વધુ ટાપુઓ ધરાવતા વિશ્વના સૌથી મોટા દ્વીપસમૂહ દેશ ઇન્ડોનેશિયામાં આ પ્રકારના દરિયાઈ અકસ્માતો સામાન્ય માનવામાં આવે છે.

આ પણ વાંચો

Moscow Blast:રશિયાની રાજધાની મોસ્કોમાં બોમ્બ વિસ્ફોટ, 3ના મોત, 21 ઘાયલ

plane crash: પેરૂમાં પ્લેન ક્રેશ, ટૂરિસ્ટ લઇ જતા વિમાનની દુર્ઘટના, બે પાયલટ સહિત 13નાં મોત