Israel: ઈઝરાયેલ-હિઝબુલ્લાહ વચ્ચે યુદ્ધ બન્યું ખતરનાક! હસન નસરાલ્લાહ ઠાર, અમેરિકાનો પ્રવાસ અધવચ્ચે છોડી પરત ફર્યા નેતન્યાહુ
Israel-Hezbollah War: ઈઝરાયેલે મોટો દાવો કર્યો છે કે હિઝબુલ્લાના ચીફ નસરાલ્લાહ માર્યો ગયો છે. ઈઝરાયલ ડિફેન્સ ફોર્સે ટ્વિટર પર પોસ્ટ કરીને કહ્યું કે હવે હસન નસરાલ્લાહ દુનિયામાં આતંક ફેલાવી શકશે નહીં.
Israel-Hezbollah War: ઈઝરાયેલ સતત હિઝબુલ્લાહ આતંકવાદીઓને નિશાન બનાવી રહ્યું છે અને હવાઈ હુમલાઓ દ્વારા તેમના સ્થાનોને નષ્ટ કરી રહ્યું છે. આ દરમિયાન ઈઝરાયેલે મોટો દાવો કર્યો છે કે હિઝબુલ્લાના ચીફ નસરાલ્લાહ માર્યા ગયા છે. ઈઝરાયલ ડિફેન્સ ફોર્સે ટ્વિટર પર પોસ્ટ કરીને કહ્યું કે હવે હસન નસરાલ્લાહ દુનિયામાં આતંક ફેલાવી શકશે નહીં. હસન નસરાલ્લાહ 32 વર્ષ સુધી સંગઠનના પ્રમુખ હતા.
Hassan Nasrallah will no longer be able to terrorize the world.
— Israel Defense Forces (@IDF) September 28, 2024
હવાઈ હુમલામાં હિઝબુલ્લાનો વડો માર્યા ગયો
ઇઝરાયેલી સેનાના પ્રવક્તા લેફ્ટનન્ટ કર્નલ નદવ શોશાનીએ X પર એક પોસ્ટમાં કહ્યું છે કે નસરાલ્લાહ માર્યો ગયો છે. એએફપીના અહેવાલ અનુસાર, ઇઝરાયેલી સેનાના પ્રવક્તા ડેવિડ અબ્રાહમે જણાવ્યું હતું કે હિઝબુલ્લાના વડા શુક્રવારે (27 સપ્ટેમ્બર 2024) લેબનોનની રાજધાની બેરૂતમાં હવાઈ હુમલામાં માર્યો ગયો હતો. હસન નસરાલ્લાહને જે ઓપરેશન દ્વારા મારવામાં આવ્યો તેનું નામ હતું NEW ORDER. નસરાલ્લાહના મોતના દાવા બાદ ઈઝરાયેલી સેનાએ કહ્યું કે, જે કોઈ ઈઝરાયેલને ધમકી આપે છે, અમે જાણીએ છીએ કે તેના સુધી કેવી રીતે પહોંચવું. આ અમારી ક્ષમતાનો અંત નથી.
ઈઝરાયેલ અને હિઝબુલ્લાહ વચ્ચેના યુદ્ધની ભયાનકતાને કારણે વડાપ્રધાન બેન્જામિન નેતન્યાહુએ તેમની યુએસ યાત્રા અધવચ્ચે છોડીને સ્વદેશ પરત ફરવું પડ્યું છે. આ દરમિયાન ઈઝરાયેલે હિઝબુલ્લાહના હેડક્વાર્ટર પર ઘાતક હુમલો કર્યો છે. હિઝબુલ્લાહ પણ ઈઝરાયેલ પર જોરદાર હુમલો કરી રહ્યું છે. હવે બંને પક્ષો વચ્ચે ભીષણ યુદ્ધ શરૂ થઈ ગયું છે, જેને જોઈને મધ્ય પૂર્વના દેશોમાં ગભરાટનો માહોલ છે. યુદ્ધનું આવું સ્વરૂપ જોઈને અમેરિકા પણ આશ્ચર્યચકિત થઈ ગયું છે. પરંતુ હવે આ યુદ્ધને રોકવું ખૂબ મુશ્કેલ લાગે છે.
એક દિવસ પહેલા હિઝબુલ્લાના હેડક્વાર્ટર પર હુમલો
ટાઈમ્સ ઓફ ઈઝરાયેલના અહેવાલ મુજબ ઈઝરાયેલની સેનાએ કહ્યું કે તેઓએ એક દિવસ પહેલા જ હિઝબુલ્લાહના હેડક્વાર્ટર પર હુમલો કર્યો હતો, જ્યાં હસન નસરાલ્લાહ પણ હાજર હતો. ઈઝરાયેલની સેના બેરૂત સહિત અનેક વિસ્તારોમાં સતત હુમલા કરી રહી છે. IDF એ બેરુતના દહિયાહ શહેરમાં રહેતા લોકોને તાત્કાલિક વિસ્તાર ખાલી કરવા જણાવ્યું છે. IDFનું કહેવું છે કે હિઝબુલ્લાહ આ જગ્યાઓનો ઉપયોગ ઈઝરાયેલ પર હુમલો કરવા માટે કરી રહ્યું છે.
નસરાલ્લાહની પુત્રીનું પણ મૃત્યુ થયું
ઈઝરાયેલની ન્યૂઝ ચેનલના જણાવ્યા અનુસાર, આ એર સ્ટ્રાઈકમાં નસરાલ્લાહ સિવાય તેની પુત્રી ઝૈનબનું પણ મોત થયું હતું. મીડિયા રિપોર્ટ્સ અનુસાર, નસરાલ્લાહની પુત્રીનો મૃતદેહ કમાન્ડર સેન્ટરમાંથી મળી આવ્યો હતો જેના પર ઈઝરાયેલ દ્વારા હુમલો કરવામાં આવ્યો હતો. આ પહેલા શુક્રવારે રાત્રે ઈઝરાયેલે હિઝબુલ્લાના હેડક્વાર્ટર પર મિસાઈલ છોડી હતી, જેમાં 6 લોકો માર્યા ગયા હતા અને 90 લોકો ઘાયલ થયા હતા.
આ પણ વાંચો...
નવરાત્રિ સેલિબ્રેશનનને લઇને રાજ્ય સરકારનો મહત્વનો નિર્ણય, રાત્રે 12 વાગ્યા બાદ ગરબા ચાલુ રાખવાની છૂટ
ટ્રેન્ડિંગ સમાચાર
ટોપ સ્ટોરી
