![ABP Premium](https://cdn.abplive.com/imagebank/Premium-ad-Icon.png)
Israel Hamas War: ઇઝરાયલે સ્કૂલ સહિત ગાઝામાં કર્યા હવાઇ હુમલાઓ, 60ના મોત
Israel Hamas War: ઈઝરાયલની સેનાએ કહ્યું છે કે ગાઝા પટ્ટીના વિવિધ વિસ્તારોમાં મંગળવારે હમાસના ફાઇટર્સ સાથે ભીષણ લડાઈ થઈ હતી
![Israel Hamas War: ઇઝરાયલે સ્કૂલ સહિત ગાઝામાં કર્યા હવાઇ હુમલાઓ, 60ના મોત Israel Hamas War Israeli strikes in southern central Gaza kill more than 60 Palestinians Israel Hamas War: ઇઝરાયલે સ્કૂલ સહિત ગાઝામાં કર્યા હવાઇ હુમલાઓ, 60ના મોત](https://feeds.abplive.com/onecms/images/uploaded-images/2024/04/11/e0f96dc42586681f15f05391f75de3461712840137457708_original.jpg?impolicy=abp_cdn&imwidth=1200&height=675)
Israel Hamas War: ઈઝરાયલની સેનાએ કહ્યું છે કે ગાઝા પટ્ટીના વિવિધ વિસ્તારોમાં મંગળવારે હમાસના ફાઇટર્સ સાથે ભીષણ લડાઈ થઈ હતી, જેમાં મોટી સંખ્યામાં હમાસના ફાઇટર્સ માર્યા ગયા હતા. પેલેસ્ટાઇનના આરોગ્ય મંત્રાલયે જણાવ્યું હતું કે દક્ષિણ અને મધ્ય ગાઝામાં ઇઝરાયલના હુમલાઓમાં ઓછામાં ઓછા 60 પેલેસ્ટિનિયન નાગરિકો માર્યા ગયા છે, જેમાં એક શાળા પરના હુમલામાં માર્યા ગયેલા 16 શરણાર્થીઓનો સમાવેશ થાય છે.
The Latest | Israeli strikes on Gaza kill 24 as violence rages on in Palestinian territories https://t.co/VFC4rahvTN
— The Associated Press (@AP) July 16, 2024
હમાસનો આરોપ છે કે ઈઝરાયલ આવા હુમલા કરીને ગાઝા યુદ્ધવિરામ મંત્રણાને પાટા પરથી ઉતારવા માંગે છે, જ્યારે ઈઝરાયલે કહ્યું છે કે તે હમાસના આતંકવાદીઓને જડમૂળથી ઉખેડી નાખવાનો પ્રયાસ કરી રહ્યું છે.
An Israeli airstrike has killed 17 Palestinians in a military-declared "safe zone" in Gaza, hospital officials say. https://t.co/6H3PCnESuq
— The Associated Press (@AP) July 16, 2024
ખાન યુનિસમાં 17 પેલેસ્ટિનિયન માર્યા ગયા
પેલેસ્ટિનિયન અધિકારીઓએ જણાવ્યું હતું કે ઇઝરાયલ મે મહિનાથી ગાઝાની દક્ષિણ સરહદ પર રફાહમાં આક્રમણ કરી રહ્યું છે. મંગળવારે પણ દક્ષિણ ગાઝાના ખાન યુનિસમાં એક ઘર પર થયેલા હુમલામાં એક વ્યક્તિ, તેની પત્ની અને બે બાળકો સહિત પાંચ લોકો માર્યા ગયા હતા. આ પછી ખાન યુનિસમાં જ એક કાર પર થયેલા હુમલામાં 17 પેલેસ્ટિનિયન માર્યા ગયા અને 26 અન્ય ઘાયલ થયા હતા. આ ખાન યુનિસની બહાર સૈન્ય દ્વારા જાહેર કરાયેલા "સુરક્ષિત ક્ષેત્ર" સ્થિત છે.
શેખ ઝાયદમાં પણ ચાર લોકોના મોત થયા હતા
સ્વાસ્થ્ય મંત્રાલયે કહ્યું કે આ ક્રમમાં અટ્ટાર સ્ટ્રીટમાં એક ટેન્ટમાં આશરો લઈ રહેલા શરણાર્થીઓ પર હવાઈ હુમલા કરવામાં આવ્યા હતા. મધ્ય ગાઝામાં ઐતિહાસિક નુસરત કેમ્પ પર થયેલા હવાઈ હુમલામાં ચાર પેલેસ્ટિનિયન માર્યા ગયા હતા. ઉત્તર ગાઝામાં શેખ ઝાયદમાં પણ ચાર લોકોના મોત થયા હતા.
આ હુમલાઓના કલાકો પછી ઇઝરાયલી દળોએ મધ્ય ગાઝામાં નુસરત કેમ્પમાં યુએન સંચાલિત શાળામાં આશ્રય લઈ રહેલા લોકો પર હવાઈ હુમલો કર્યો. જેમાં 16 લોકોના મોત થયા હતા અને ઘણા લોકો ઘાયલ થયા હતા.ઈઝરાયલની સેનાએ કહ્યું કે રફાહમાં સૈનિકોની ગુપ્ત માહિતી આધારિત ગતિવિધિઓ ચાલુ છે. અમારા લક્ષ્યાંકોમાં હમાસના આતંકીઓ , ટનલ અને હમાસના અન્ય માળખાનો સમાવેશ થાય છે.
ટ્રેન્ડિંગ સમાચાર
ટોપ સ્ટોરી
![ABP Premium](https://cdn.abplive.com/imagebank/metaverse-mid.png)
![gujarati.abplive.com](https://cdn.abplive.com/imagebank/editor.png)