પાકિસ્તાની સેના પર ઘાતક હુમલો, કર્નલ અને મેજર સહિત 11 PAK જવાનોના મોત, જાણો કોણે કર્યો એટેક
Pakistan: ટીટીપીએ પાકિસ્તાની સેના પર મોટો હુમલો કર્યો. જેમાં અગિયાર પાકિસ્તાની સૈનિકો માર્યા ગયા અને ઘણા અન્ય ગંભીર રીતે ઘાયલ થયા.
Pakistan: ફરી એકવાર પાકિસ્તાનની ધકતી રક્તરંજીત બની છે. આ વખતે પાકિસ્તાની સેનાા પર એક ઘાતકી હુમલો કરવામાં આવ્યો છે. મંગળવાર અને બુધવાર (7-8 ઓક્ટોબર) ની રાત્રે પાકિસ્તાની સેના પર મોટો હુમલો થયો. તહરીક-એ-તાલિબાન પાકિસ્તાન દ્વારા કરવામાં આવેલા આ હુમલામાં અગિયાર પાકિસ્તાની સૈનિકો માર્યા ગયા, અને ઘણા અન્ય ગંભીર રીતે ઘાયલ થયા. માર્યા ગયેલા સૈનિકોમાં બે અધિકારીઓનો સમાવેશ થાય છે. સમાચાર એજન્સી રોઇટર્સ અનુસાર, પાકિસ્તાની સેના અફઘાનિસ્તાન સરહદ પર TTP સામે કાર્યવાહી કરી રહી હતી, જે દરમિયાન આ એન્કાઉન્ટર થયું.
While leading from the front, Lt Col Junaid Arif (39) and Maj Tayyab Rahat (33) embraced martyrdom along with nine brave soldiers. Their courage and sacrifice will never be forgotten#Pakistan pic.twitter.com/qJprjRK5lu
— Bilawal Afridi (@IBilawalAfridi) October 8, 2025
પાકિસ્તાની સેના સાથેની એન્કાઉન્ટરમાં ઓગણીસ TTP લડવૈયાઓ પણ માર્યા ગયા. એ નોંધવું પણ મહત્વપૂર્ણ છે કે TTP એ છેલ્લા કેટલાક મહિનામાં પાકિસ્તાની સુરક્ષા દળો પર તેના હુમલાઓ નોંધપાત્ર રીતે તીવ્ર બનાવ્યા છે.
TTP એ ઓચિંતો હુમલો કર્યો
TTP લડવૈયાઓએ ઓચિંતો હુમલો કર્યો. પહેલા ઉત્તરપશ્ચિમ કુર્રમ જિલ્લામાં રોડસાઇડ બોમ્બ વિસ્ફોટ કરવામાં આવ્યા, ત્યારબાદ ગોળીબાર થયો. પાકિસ્તાની સેનાએ એક નિવેદનમાં જણાવ્યું હતું કે ઓપરેશન દરમિયાન આતંકવાદીઓ પણ માર્યા ગયા. પાકિસ્તાની તાલિબાનના હુમલામાં લેફ્ટનન્ટ કર્નલ અને મેજર રેન્કના બે અધિકારીઓ પણ માર્યા ગયા. મેજર તૈયબ રાહત સાથે લેફ્ટનન્ટ કર્નલ જુનૈદ આરિફ ઓપરેશનનું નેતૃત્વ કરી રહ્યા હતા.
પાકિસ્તાની નેતા બિલાલ આફ્રિદીએ પણ શહીદ થયેલા પાકિસ્તાની સૈનિકો માટે ઇન્સ્ટાગ્રામ પર એક પોસ્ટ શેર કરી. તેમણે લખ્યું, "લેફ્ટનન્ટ કર્નલ જુનૈદ આરિફ (39) અને મેજર તૈયબ રાહત (33) એ નવ બહાદુર સૈનિકો સાથે શહીદ થયા."
TTP એ હુમલાની જવાબદારી સ્વીકારી
તહેરિક-એ-તાલિબાન પાકિસ્તાન (TTP) એ હુમલાની જવાબદારી સ્વીકારી છે. જૂથનો દાવો છે કે તેના લડવૈયાઓએ કાફલા પર હુમલો કર્યો હતો. જૂથ પાકિસ્તાની સરકારને ઉથલાવી પાડવા અને તેનું કડક ઇસ્લામિક શાસન સ્થાપિત કરવા માંગે છે. દરમિયાન, પાકિસ્તાનનો દાવો છે કે આ આતંકવાદીઓ અફઘાનિસ્તાનમાં તાલીમ લે છે અને પાકિસ્તાનમાં હુમલા કરે છે, આ દાવાને કાબુલ વારંવાર નકારે છે.
ઇનપુટ - IANS
ટોપ સ્ટોરી
ટ્રેન્ડિંગ સમાચાર
