Pakistan Economy Crisis : પાકિસ્તાનમાં હાહાકાર, રમઝાનમાં 500 રૂપિયા ડઝન મળી રહ્યા છે કેળા તો દ્રાશનો ભાવ સાંભળીને ઉડી જશે હોશ

Pakistan Economy Crisis: પાકિસ્તાનમાં માત્ર કેળા અને દ્રાક્ષ જ નહીં, રોજબરોજની વસ્તુઓના ભાવ પણ આસમાને છે. ડુંગળીના ભાવમાં 228.28 ટકાનો વધારો થયો છે.

ફાઈલ તસવીર

Pakistan Economy Crisis:  પાકિસ્તાનમાં આર્થિક સંકટની અસર હવે રમઝાનમાં પણ જોવા મળી રહી છે. અહીં એક ડઝન કેળાની કિંમત 500 રૂપિયા સુધી પહોંચી ગઈ છે. કેળા છોડો, દ્રાક્ષની કિંમત સાંભળીને તમે ચોંકી જશો. મીડિયા રિપોર્ટ્સ અનુસાર પાકિસ્તાનમાં હાલમાં દ્રાક્ષ 1600 રૂપિયા પ્રતિ કિલોના ભાવે વેચાઈ રહી છે.

માત્ર કેળા અને દ્રાક્ષ જ નહીં, રોજબરોજની વસ્તુઓના ભાવ પણ આસમાને છે. ડુંગળીના ભાવમાં 228.28 ટકાનો વધારો થયો છે. લોટના ભાવ પણ આસમાને છે. આર્થિક સંકટથી અત્યાર સુધી લોટના ભાવમાં 120.66 ટકા સુધીનો વધારો થયો છે. આ સમયે પાકિસ્તાનમાં ડીઝલના ભાવ પણ આગ લગાવી રહ્યા છે. હાલમાં 102.84 ટકા અને પેટ્રોલ 81.17 ટકા મોંઘુ વેચાઈ રહ્યું છે.

ઇન્ટરનેશનલ મોનેટરી ફંડની શરતો

ઈન્ટરનેશનલ મોનેટરી ફંડ (IMF) એ ગરીબ પાકિસ્તાનને લોન આપવા માટે ઘણી શરતો મૂકી છે. ફેબ્રુઆરીની શરૂઆતથી જ પાકિસ્તાન અને IMF વચ્ચે $1.1 બિલિયનની લોનને લઈને ચર્ચા ચાલી રહી છે. આ ફંડ IMF દ્વારા મંજૂર કરાયેલા $6.5 બિલિયન બેલઆઉટ પેકેજનો એક ભાગ છે. જો IMF આ લોન આપે છે, તો પાકિસ્તાનની અર્થવ્યવસ્થાને પુનર્જીવિત થઈ શકે છે.

Bananas in Banana Republic at Rs 500/Dozen😳 itne main 2 dozen foji bikte hain Pakistan main😉 pic.twitter.com/rsCwxgQQeB

— Arif Aajakia (@arifaajakia) March 27, 2023

પાકિસ્તાને IMF પાસેથી લોન મેળવવા માટે ઘણા આર્થિક ફેરફારો કર્યા છે. જેમાં વીજળી પર ટેક્સ લાદવાથી લઈને ઈંધણના ભાવમાં જંગી વધારો અને અન્ય ટેક્સમાં વધારો સામેલ છે. IMF દ્વારા પાકિસ્તાનને કોઈ રકમ આપવામાં આવી નથી, જેના માટે બંને વચ્ચે ચર્ચા ચાલી રહી છે. આ દરમિયાન IMFએ નવી શરત મૂકી છે.

IMF દ્વારા શું શરત રાખવામાં આવી હતી

PKRevenue ના અહેવાલ મુજબ, આંતરરાષ્ટ્રીય નાણાં ભંડોળે પાકિસ્તાનને બેલઆઉટ હપ્તા મુક્ત કરવા માટે કોઈ પગલું ભરતા પહેલા બાહ્ય નાણાંકીય ખાતરી માંગી છે. આનો અર્થ એ થયો કે પાકિસ્તાને બાહ્ય ભંડોળ અંગે ખાતરી આપવી પડશે. IMFના સ્ટ્રેટેજિક કોમ્યુનિકેશન ડાયરેક્ટર જુલી કોઝાકે કહ્યું કે પાકિસ્તાનને આગામી બેલઆઉટ જારી કરતા પહેલા એ જોવાનું રહેશે કે અમારી પાસે નાણાંકીય ખાતરી છે કે નહીં.

IMF 7 બિલિયન ડોલરની ખાતરી માંગે છે

IMF પાકિસ્તાન પાસેથી 7 બિલિયન ડૉલરની ખાતરીની માંગ કરી રહ્યું છે, પરંતુ પાકિસ્તાનના નાણાપ્રધાન તેને 5 બિલિયન ડૉલર સુધી રાખવાની વાત કરી રહ્યા છે. પાકિસ્તાનના જિયો ન્યૂઝ અનુસાર, IMF સાથેની ડીલ બાદ તે દેશના વિદેશી મુદ્રા ભંડારમાં વધારો થશે.