PM Modi Japan Visit: G-7 સમિટમાં સામેલ થવા જાપાન જશે વડાપ્રધાન મોદી, જાણો સંપૂર્ણ કાર્યક્રમ?

વડાપ્રધાન નરેન્દ્ર મોદી ટૂંક સમયમાં જી-7 સમિટમાં ભાગ લેવા જાપાનની મુલાકાત લેશે

Image Source : ANI

PM Narendra Modi Japan Visit: વડાપ્રધાન નરેન્દ્ર મોદી ટૂંક સમયમાં જી-7 સમિટમાં ભાગ લેવા જાપાનની મુલાકાત લેશે. કાર્યક્રમ અનુસાર પીએમ મોદી 19 થી 21 મે સુધી જાપાનના પ્રવાસે હશે. જાપાનના વડાપ્રધાન ફુમિયો કિશિદાએ પીએમ મોદીને આ સમિટમાં ભાગ લેવા આમંત્રણ આપ્યું છે. જાપાન જી-7 સમિટની અધ્યક્ષતા કરી રહ્યું છે.

PM Modi to visit Japan, Papua New Guinea and Australia; attend G7 meeting, Quad Summit

Read @ANI Story | https://t.co/GaALFMi8a4#PMModi #Japan #PapuaNewGuinea #Australia #G7Meeting #QuadSummit pic.twitter.com/Yfn7vTgaJo

— ANI Digital (@ani_digital) May 16, 2023

 

સમિટ દરમિયાન વડાપ્રધાન મોદી G-7 દેશો સાથે વિવિધ વિષયો પર ચર્ચા કરશે, જેમાં શાંતિ, સ્થિરતા અને સમૃદ્ધિ, ખોરાક, ખાતર અને ઉર્જા સુરક્ષા, આરોગ્ય, લિંગ સમાનતા, આબોહવા પરિવર્તન અને પર્યાવરણ, ઇન્ફ્રાસ્ટ્રક્ચર અને વિકાસ સહકાર જેવા મુદ્દાઓનો સમાવેશ થાય છે. સમિટ સિવાય પીએમ મોદી તેમાં ભાગ લેનારા કેટલાક નેતાઓ સાથે દ્વિપક્ષીય બેઠક પણ કરશે.

જાપાન બાદ પીએમ મોદી પાપુઆ ન્યુ ગિની જશે, જ્યાં તેઓ પોર્ટ મોરેસ્બી પહોંચશે. અહીં તેઓ 22 મેના રોજ પાપુઆ ન્યુ ગિનીના વડા પ્રધાન જેમ્સ મારાપે સાથે સંયુક્ત રીતે ફોરમ ફોર ઇન્ડિયા-પેસિફિક આઇલેન્ડ્સ કોઓપરેશન (FIPIC III સમિટ)ના ત્રીજા સમિટનું આયોજન કરશે. PM મોદી પાપુઆ ન્યુ ગિનીમાં દ્વિપક્ષીય કાર્યક્રમો કરશે જેમાં તેઓ ગવર્નર-જનરલ સર બૉબ ડેડ અને વડાપ્રધાન જેમ્સ મારાપે સાથે મુલાકાત કરશે. કોઇ પણ ભારતીય વડાપ્રધાન દ્વારા પાપુઆ ન્યુ ગિનીની આ પ્રથમ મુલાકાત હશે.

પીએમ ક્વોડ લીડર્સ સમિટમાં ભાગ લેશે

PM મોદી ક્વોડ લીડર્સ સમિટમાં ભાગ લેવા માટે 22 થી 24 મે દરમિયાન ઓસ્ટ્રેલિયાના સિડનીની મુલાકાતે જશે. ઓસ્ટ્રેલિયાના વડાપ્રધાન એન્થની અલ્બેનીઝના આમંત્રણ પર પીએમ મોદી ઉપરાંત અમેરિકાના રાષ્ટ્રપતિ જો બાઇડન અને જાપાનના વડાપ્રધાન પણ આ કોન્ફરન્સમાં ભાગ લઈ રહ્યા છે. આ સમિટ નેતાઓને ઈન્ડો-પેસિફિક ક્ષેત્રના વિકાસ પર મંતવ્યોનું આદાન-પ્રદાન કરવાની અને મુક્ત, ખુલ્લા અને સમાવિષ્ટ ઈન્ડો-પેસિફિકના વિઝનને આગળ વધારવાની તક પૂરી પાડે છે.

પીએમ મોદી ભારતીય સમુદાયને પણ સંબોધિત કરશે

પીએમ મોદી 24 મેના રોજ ઓસ્ટ્રેલિયાના વડાપ્રધાન અલ્બેનીઝ સાથે દ્વિપક્ષીય બેઠક કરશે. PM મોદી 23 મેના રોજ સિડનીમાં એક કાર્યક્રમમાં ઓસ્ટ્રેલિયાના સીઈઓ અને બિઝનેસ લીડર્સ સાથે વાતચીત કરશે અને ભારતીય સમુદાયને પણ સંબોધિત કરશે.