US: અમેરિકાના રાષ્ટ્રપતિ બાઇડનની વધી મુશ્કેલીઓ, પુત્ર હંટર આ આરોપમાં દોષિત જાહેર

અમેરિકાની સંસદના સ્પીકર કેવિન મૈક્કાર્થીએ રાષ્ટ્રપતિ વિરુદ્ધ મહાભિયોગની તપાસની મંજૂરી આપી હતી

અમેરિકાના રાષ્ટ્રપતિ ( Image Source :Getty )

અમેરિકાના રાષ્ટ્રપતિ જો બાઇડનની મુશ્કેલીઓ વધી રહી છે. રાષ્ટ્રપતિ બાઇડનના પુત્ર હંટર બાઇડનને ફેડરલ ફાયરઆર્મ્સના આરોપમાં દોષિત ઠેરવવામાં આવ્યો છે. નોંધનીય છે કે હંટર વિરુદ્ધ લાંબા સમયથી તપાસ ચાલી રહી છે. આ પહેલા અમેરિકાની સંસદના સ્પીકર કેવિન મૈક્કાર્થીએ રાષ્ટ્રપતિ વિરુદ્ધ મહાભિયોગની તપાસનો આદેશ આપ્યો હતો.

Federal gun charges are just the latest blow in a litany of legal and personal setbacks for Hunter Biden, whose status as son of the US president masks a tragic and troubled life https://t.co/zu63N1tNgf

— AFP News Agency (@AFP) September 14, 2023

હંટર સામે આ આરોપ છે

ડેલાવેયરની ફેડરલ કોર્ટમાં દાખલ કરાયેલા આરોપ મુજબ, હંટર પર 2018 માં ગન ખરીદતી વખતે ડ્રગના ઉપયોગ વિશે ખોટું બોલવાનો આરોપ છે. આ સમય દરમિયાન તેણે ક્રેક કોકેઈનનું વ્યસન હોવાની વાતનો સ્વીકાર કર્યો હતો. હંટર પર ડ્રગ યુઝર તરીકે ગેરકાયદેસર રીતે ગન ખરીદવાનો આરોપ છે. વાસ્તવમાં હંટર પર આરોપ છે કે જ્યારે પણ તેણે ગન ખરીદી ત્યારે હંટર ખોટું બોલ્યો હતો. તેણે 2018માં ડેલાવેયરમાં બંદૂકની દુકાનમાંથી કોલ્ટ કોબ્રા સ્પેશિયલ બંદૂક ખરીદી ત્યારે પણ હંટર જૂઠું બોલ્યો હતો. હંટર પર બળજબરીથી બોક્સ ચેક કરવાનો પણ આરોપ છે.

Jogging to the podium, US President Joe Biden didn't betray any concern that his son had just been indicted on gun charges -- nor did the audience https://t.co/xNI3CwmuZf

— AFP News Agency (@AFP) September 14, 2023

આ કેસોમાં પણ ગુના નોંધાયા છે

રાષ્ટ્રપતિ બાઇડનના પુત્ર હંટર વિરુદ્ધ બિઝનેસ ડીલની પણ તપાસ થઇ શકે છે. સ્પેશિયલ કાઉન્સેલે સંકેત આપ્યો છે કે સમયસર ટેક્સ ન ભરવાના આરોપમાં કેલિફોર્નિયા અથવા વોશિંગ્ટનમાં કેસ દાખલ કરવામાં આવી શકે છે. વાસ્તવમાં હંટર પર બાઇડન બ્રાન્ડનો ઉપયોગ વિદેશમાં બિઝનેસ વધારવા અને અયોગ્ય નફો કમાવવાનો આરોપ છે. હંટર પર ગુંડાગર્દી કરવાનો પણ આરોપ છે.

રાષ્ટ્રપતિ સામે પણ મહાભિયોગની તપાસના નિર્દેશ

નોંધનીય છે કે યુએસ સંસદના સ્પીકર કેવિન મૈક્કાર્થીએ રાષ્ટ્રપતિ બાઇડન વિરુદ્ધ મહાભિયોગની તપાસ શરૂ કરવાની મંજૂરી આપી હતી. વિદેશી મીડિયાના અહેવાલો અનુસાર, મૈક્કાર્થીએ બાઇડન પરિવારના વ્યવસાયિક વ્યવહારની તપાસ શરૂ કરવાના નિર્દેશ આપ્યા છે. કેપિટલ હિલમાં મૈક્કાર્થીએ મંગળવારે કહ્યું હતું કે હું આજે હાઉસ સમિતિઓને રાષ્ટ્રપતિ બાઇડન સામે ઔપચારિક મહાભિયોગ તપાસ શરૂ કરવા માટે નિર્દેશ આપી રહ્યો છું.