Hezbollah Attacks: હિઝબુલ્લાના ઇઝરાયેલ પર રૉકેટ હૂમલા, 12 નાગરિકોના મોત થતાં નેતન્યાહૂ ગિન્નાયા -'કિંમત ચૂકવવી પડશે'
Hezbollah Attacks on Israel: લેબનીઝ આતંકવાદી જૂથે ઈઝરાયેલના કબજા હેઠળની ગોલાન હાઈટ્સ પર રૉકેટ વડે હુમલો કર્યો છે. આ હુમલામાં બાળકો સહિત ઓછામાં ઓછા 12 નાગરિકોના મોત થયા છે
Hezbollah Attacks on Israel: લેબનીઝ આતંકવાદી જૂથે ઈઝરાયેલના કબજા હેઠળની ગોલાન હાઈટ્સ પર રૉકેટ વડે હુમલો કર્યો છે. આ હુમલામાં બાળકો સહિત ઓછામાં ઓછા 12 નાગરિકોના મોત થયા છે. આ સાથે ઓછામાં ઓછા 29 લોકો ઘાયલ થયા છે. ઈઝરાયેલે આ હુમલાને 7 ઓક્ટોબરે થયેલા હુમલા બાદ હમાસનો સૌથી મોટો હુમલો ગણાવ્યો છે. ઈઝરાયેલના જણાવ્યા અનુસાર લેબનીઝ આતંકવાદી સંગઠન હિઝબુલ્લાએ શનિવારે ઉત્તરી ગોલાન હાઈટ્સના શમ્સ ગામ પર રોકેટ વડે હુમલો કર્યો હતો.
ઈઝરાયેલે કહ્યું કે તેણે લેબનોનથી ઈઝરાયેલના વિસ્તારમાં આવતા 'લગભગ 30 અસ્ત્રો'ની ઓળખ કરી છે. ઈરાને આ બોમ્બ ધડાકા માટે ઈરાન સમર્થિત લેબનીઝ આતંકવાદી જૂથ હિઝબુલ્લાહને જવાબદાર ઠેરવ્યું છે. છેલ્લા 10 મહિનાથી ઈઝરાયેલ અને લેબેનોનની સરહદ પર છૂટાછવાયા ઘટનાઓ થઈ રહી છે, પરંતુ આ બૉમ્બ ધડાકા બાદ યુદ્ધની સ્થિતિ સર્જાઈ શકે છે. કેટલાક ઇઝરાયેલી નેતાઓએ બદલો લેવાની હાકલ કરી છે, જો કે, હિઝબોલ્લાએ આ હુમલાનો સખત ઇનકાર કર્યો છે. ઇઝરાયેલ અને હિઝબુલ્લાહ વચ્ચે સીમાપારથી ગોળીબાર લગભગ 10 મહિનાથી ચાલી રહ્યો છે અને તે વધી રહ્યો છે. શનિવારના હુમલા પહેલા જ પ્રાદેશિક નેતાઓએ ચેતવણી આપી હતી કે સંઘર્ષ ઉકળતા બિંદુએ પહોંચી રહ્યો છે.
ફૂટબૉલ મેદાન પર થયો હુમલો
આ હુમલો મજદલ શમ્સ ગામમાં ફૂટબોલ મેદાનમાં થયો હતો, જેમાં રમતા બાળકોએ જીવ ગુમાવ્યો હતો. કહેવામાં આવી રહ્યું છે કે, શરૂઆતી હુમલા બાદ ચેતવણીના સાયરન પણ વાગ્યા હતા, પરંતુ લોકો જમીન પરથી બચી શક્યા ન હતા. મજદલ શમ્સ ગામમાં દ્રુઝ સમુદાયના લોકો મોટી સંખ્યામાં રહે છે. લગભગ 20,000 ડ્રુઝ આરબો ગોલાન હાઇટ્સમાં રહે છે. આ એ જ વિસ્તાર છે જે ઈઝરાયેલે 1967માં છ દિવસીય યુદ્ધ દરમિયાન સીરિયા પાસેથી છીનવી લીધો હતો અને 1981માં તેને પોતાના કબજામાં લઈ લીધો હતો. તે આંતરરાષ્ટ્રીય કાયદા અને યુએન સુરક્ષા પરિષદના ઠરાવો હેઠળ કબજે કરેલ પ્રદેશ માનવામાં આવે છે. આ વિસ્તારમાં લગભગ 50 હજાર ઇઝરાયેલી યહૂદીઓ અને ડ્રુઝ રહે છે.
નેતન્યાહૂ અમેરિકા યાત્રા પરથી ફરી રહ્યાં છે પરત
ઇઝરાયલ ડિફેન્સ ફોર્સિસ (IDF)ના પ્રવક્તા ડેનિયલ હગારીએ જણાવ્યું હતું કે હુમલામાં અસરગ્રસ્ત સ્થળોમાં એક ફૂટબોલ મેદાન હતું જ્યાં બાળકો અને કિશોરો રમી રહ્યા હતા. તેમણે આ હુમલાને '7 ઓક્ટોબર પછી ઇઝરાયેલના નાગરિકો પરનો સૌથી ઘાતક હુમલો' ગણાવ્યો હતો. ઈઝરાયેલના વડાપ્રધાન બેન્જામિન નેતન્યાહુએ જાહેરાત કરી છે કે હુમલાને કારણે તેઓ તેમની યુએસ ટ્રીપને કેટલાક કલાકોથી ઘટાડી રહ્યા છે અને ઈઝરાયેલ પરત ફરી રહ્યા છે. તેમણે કહ્યું કે તેઓ પરત ફર્યા બાદ તરત જ સુરક્ષા કેબિનેટની બેઠક બોલાવશે.
ઇઝરાયેલે મોટી કિંમત ચૂકવવાની આપી ધમકી
વડાપ્રધાને કહ્યું કે તેઓ આ હુમલાથી 'આઘાતમાં' છે. નેતન્યાહુએ કહ્યું છે કે આ હુમલા બાદ ઈઝરાયેલ ચૂપ નહીં રહે. અગાઉ એક અલગ નિવેદનમાં નેતન્યાહુના કાર્યાલયે કહ્યું હતું કે વડાપ્રધાને સ્પષ્ટ કર્યું છે કે હિઝબુલ્લાહને આ હુમલાની ભારે કિંમત ચૂકવવી પડશે, જે તેણે અત્યાર સુધી ચૂકવી નથી. આવી સ્થિતિમાં ઇઝરાયેલ હવે હમાસ અને હિઝબુલ્લાહ બંને સાથે યુદ્ધ લડશે તેવી અપેક્ષા છે.
ટ્રેન્ડિંગ સમાચાર
ટોપ સ્ટોરી
