આ દેશ અમેરિકા ફરી 50% ટેરિફ લગાવશે! જાણો ડોનાલ્ડ ટ્રમ્પ કેમ આપી ખુલ્લી ધમકી?

ઇસ્લામાબાદ મંત્રણા નિષ્ફળ ગયા બાદ ડોનાલ્ડ ટ્રમ્પ લાલઘૂમ; ચીનને લશ્કરી સહાય રોકવા અને ઈરાનને એક જ દિવસમાં ખતમ કરી દેવાની આપી આકરી ચીમકી.

Trump's 50% China Tariff Threat: Warnings to Iran Energy Sector Update

Source : https://x.com/

Show Quick Read

Key points generated by AI, verified by newsroom

• ચીન ઈરાનને હથિયાર આપશે તો 50% ટેરિફ લાગશે.
• ટ્રમ્પ ઈરાનના પાવર પ્લાન્ટ્સ એક દિવસમાં નષ્ટ કરશે.
• ઈસ્લામાબાદ મંત્રણા નિષ્ફળ, યુદ્ધ ભડકવાની શક્યતા.
• ચીન ઈરાનને એન્ટી-એરક્રાફ્ટ મિસાઈલ મોકલશે.

Trump China 50% Tariff: અત્યારે પશ્ચિમ એશિયામાં ભારે તણાવ ચાલી રહ્યો છે, ત્યારે અમેરિકાના રાષ્ટ્રપતિ ડોનાલ્ડ ટ્રમ્પે ચીન અને ઈરાન બંનેને આકરા શબ્દોમાં ચેતવણી આપીને ગરમાવો લાવી દીધો છે. ટ્રમ્પે સ્પષ્ટ કર્યું છે કે જો આ યુદ્ધના માહોલમાં ચીન ઈરાનને કોઈ પણ પ્રકારની લશ્કરી મદદ કે હથિયારો આપશે, તો અમેરિકામાં આવતા ચીની સામાન પર 50% જેટલો તોતિંગ ટેક્સ (ટેરિફ) લગાવી દેવામાં આવશે. આ ઉપરાંત, પાકિસ્તાનના ઇસ્લામાબાદમાં થયેલી શાંતિ મંત્રણા નિષ્ફળ ગયા બાદ ટ્રમ્પે ઈરાનને પણ ખુલ્લી ધમકી આપી છે કે જો કોઈ સમાધાન નહીં થાય તો તેઓ એક જ દિવસમાં ઈરાનના પાવર પ્લાન્ટ્સ અને ઉર્જા માળખાને નષ્ટ કરી દેશે.

ચીન પર 50% ટેરિફ લગાવવાની ચીમકી

રવિવારે ફોક્સ ન્યૂઝના શો "સન્ડે મોર્નિંગ ફ્યુચર્સ વિથ મારિયા બાર્ટિરોમો" માં બોલતા ડોનાલ્ડ ટ્રમ્પે ચીનને સીધી જ ચેતવણી આપતા કહ્યું હતું કે, "જો આપણે તેમને (ચીનને) ઈરાનને હથિયાર આપતા પકડી પાડીશું, તો તેમના પર 50% ટેરિફ લાગશે. આ તેમના માટે બહુ મોટો અને આશ્ચર્યજનક ઝટકો હશે." ઉલ્લેખનીય છે કે, પશ્ચિમ એશિયાના યુદ્ધને કારણે અગાઉ મોકૂફ રહેલી શિખર બેઠક હવે આવતા મહિને યોજાવા જઈ રહી છે, જ્યાં ટ્રમ્પ બેઇજિંગ જઈને ચીનના રાષ્ટ્રપતિ શી જિનપિંગ સાથે રૂબરૂ વાટાઘાટો કરવાના છે.

"હું એક જ દિવસમાં ઈરાનને ખતમ કરી શકું છું"

ટ્રમ્પે ઈરાન પ્રત્યે પોતાનું અત્યંત આક્રમક વલણ બતાવતા કહ્યું કે, "હું ચાહું તો એક જ દિવસમાં ઈરાનને ખતમ કરી શકું છું. હું તેમના તમામ પાવર પ્લાન્ટ્સ અને ઇલેક્ટ્રિસિટી જનરેટ કરતા મથકોનો નાશ કરી શકું છું, જે તેમના માટે એક બહુ મોટો ફટકો સાબિત થશે." ટ્રમ્પે ચીનને પણ કહ્યું કે જો બેઇજિંગ ઈરાનને સશસ્ત્ર બનાવવાની કોઈ પણ હિલચાલ કરશે તો તેણે "મોટી સમસ્યાઓ" નો સામનો કરવો પડશે.

ઇસ્લામાબાદ મંત્રણા નિષ્ફળ અને CNN નો ચોંકાવનારો રિપોર્ટ

આ ધમકીઓ એવા નાજુક સમયે આવી છે જ્યારે અમેરિકા-ઇઝરાયલ અને ઈરાન વચ્ચેના લશ્કરી અભિયાનમાં હાલ પૂરતો વિરામ મુકાયો હતો અને પાકિસ્તાનની મધ્યસ્થીથી ઇસ્લામાબાદમાં વાટાઘાટો ચાલી રહી હતી. પરંતુ આ મંત્રણા કોઈ પણ પરિણામ વગર નિષ્ફળ જતા હવે ફરીથી દુશ્મનાવટ અને યુદ્ધ ભડકવાની પૂરી શક્યતાઓ છે.

દરમિયાન, CNN ના એક રિપોર્ટમાં અમેરિકન ગુપ્તચર એજન્સીઓને ટાંકીને એક મોટો દાવો કરવામાં આવ્યો છે. રિપોર્ટ મુજબ, ચીન આગામી અઠવાડિયામાં ઈરાનને લશ્કરી સાધનો અને ખભા પર રાખીને ફોડી શકાય તેવી એન્ટી-એરક્રાફ્ટ મિસાઇલો (MANPADs) મોકલવાની તૈયારી કરી રહ્યું છે. જો આવું થશે તો ઈરાનની તાકાત ઘણી વધી જશે અને નીચા ઉડતા અમેરિકન કે ઇઝરાયલી વિમાનોને તોડી પાડવામાં તેમને બહુ મોટી મદદ મળશે.

યુદ્ધ હવે વૈશ્વિક રાજનીતિ સુધી પહોંચ્યું

જો ફરીથી લડાઈ શરૂ થશે તો ચીન દ્વારા અપાનારા આ હથિયારો યુદ્ધના મેદાનનું આખું ચિત્ર બદલી શકે છે. આ રિપોર્ટના જવાબમાં ટ્રમ્પે સ્પષ્ટ કર્યું છે કે ઈરાનને તાકાતવર બનાવવાના ચીનના કોઈપણ પગલાના ગંભીર પરિણામો આવશે. ગુપ્તચર રિપોર્ટમાં એ વાત પણ સામે આવી છે કે યુદ્ધવિરામના આ ખાલી સમયનો ઉપયોગ ઈરાન પોતાની હવાઈ સુરક્ષા (Air Defense) સિસ્ટમ મજબૂત કરવામાં કરી રહ્યું છે.

ટ્રમ્પની આ ટિપ્પણીઓ એ વાતનો સ્પષ્ટ સંકેત આપે છે કે આ સંઘર્ષ હવે માત્ર યુદ્ધના મેદાન પૂરતો સીમિત નથી રહ્યો, પરંતુ તે હવે વેપાર, વૈશ્વિક લશ્કરી સંતુલન અને અમેરિકા-ચીન વચ્ચેની મોટી રાજનીતિ સુધી વિસ્તરી ચૂક્યો છે.

આ પણ વાંચો

અમેરિકા સાથેના ટેન્શન વચ્ચે ઈરાનનું મોટું એલાન: ઈરાને કરી ચૂંટણીની જાહેરાત, જાણો ક્યારે થશે મતદાન