Turkey-Syria Earthquake Live: તુર્કીમાં વિનાશક ભૂકંપ બાદ 435 આંચકા અનુભવાયા, મૃત્યુઆંક 8 હજારને પાર
Turkey-Syria Earthquake Updates: તુર્કીમાં આવેલા ભૂકંપ બાદ દુનિયાના દેશોએ મદદનો હાથ લંબાવ્યો છે, રાહત અને બચાવ કાર્ય માટે કુલ 70 દેશોની ટીમો તુર્કી પહોંચી છે.
LIVE
Background
Turkey-Syria Earthquake Updates: 6 ફેબ્રુઆરીના રોજ તુર્કી અને સીરિયામાં આવેલા 7.7 તીવ્રતાના ભૂકંપમાં અત્યાર સુધીમાં કુલ 8000 થી વધુ લોકોના મોત થયા છે. ભૂકંપના કારણે ભારે નુકસાન થયું છે. અનેક ઈમારતો પત્તાના મહેલની જેમ પડી ગઈ છે.
તુર્કીના ડિઝાસ્ટર મેનેજમેન્ટ ડિપાર્ટમેન્ટે જણાવ્યું હતું કે 6 ફેબ્રુઆરીએ કહરામનમારા વિસ્તારમાં 7.7 તીવ્રતાના ભૂકંપ પછી અત્યાર સુધીમાં કુલ 435 ભૂકંપ નોંધાયા છે. તેમણે કહ્યું કે ભૂકંપ બાદ રાહત અને બચાવ કાર્ય માટે અત્યાર સુધીમાં કુલ 60,217 કર્મચારીઓ અને 4,746 વાહનો અને બાંધકામ સાધનો તૈનાત કરવામાં આવ્યા છે.
દુનિયા ભરના દેશો લંબાવ્યો મદદનો હાથ
તુર્કીમાં આવેલા ભૂકંપ બાદ દુનિયાના દેશોએ મદદનો હાથ લંબાવ્યો છે, રાહત અને બચાવ કાર્ય માટે કુલ 70 દેશોની ટીમો તુર્કી પહોંચી છે. પરંતુ તુર્કીનું ખરાબ હવામાન રાહત અને બચાવમાં અવરોધ બની રહ્યું છે.
ભારતે મદદ મોકલી
તુર્કીમાં આવેલા ભૂકંપ બાદ ભારતે પણ તુર્કી તરફ મદદનો હાથ લંબાવ્યો છે. ભારતે રાહત સામગ્રી, સાધનસામગ્રી અને સૈન્ય કર્મચારીઓને લઈને ચાર C-17 વિમાન મોકલ્યા હતા. 108 ટનથી વધુ વજનના રાહત પેકેજ તુર્કી મોકલવામાં આવ્યા છે.
ભારતનું મિશન ઓપરેશન દોસ્ત ચાલુ રહેશે
વિદેશ મંત્રી એસ.જયશંકરે કહ્યું, #OperationDost હેઠળ, ભારત તુર્કી અને સીરિયામાં શોધ અને બચાવ ટીમો, એક હોસ્પિટલ, સામગ્રી, દવાઓ અને સાધનો મોકલી રહ્યું છે. આ એક ચાલુ કામગીરી છે અને અમે અપડેટ્સ પોસ્ટ કરીશું.
Under #OperationDost, India is sending search and rescue teams, a field hospital, materials, medicines and equipment to Türkiye and Syria. This is an ongoing operation and we would be posting updates: EAM Dr S Jaishankar
— ANI (@ANI) February 8, 2023
(Pics: EAM's Twitter account) pic.twitter.com/sekkiEoV9P
NATO એ ધ્વજ અડધી કાઠીએ ફરકાવ્યો
30 દેશોના સંગઠન નાટોએ તુર્કી અને સીરિયામાં આવેલા ભૂકંપના કારણે ધ્વજ અડધી કાઠીએ ફરકાવ્યો છે. નાટોના 1400થી વધુ સભ્યો ભૂકંપગ્રસ્ત દેશની સહાય માટે આવ્યા છે.
સુરતથી મેડિકલ ટીમ તુર્કી જવા તૈયાર
સુરતની નવી સિવિલ હોસ્પિટલની મેડિકલ રીલીફ ટીમ તુર્કીમાં આવેલા વિનાશક ભૂકંપમાં સેવામાં જવા માટે ત્યાંના લોકોના વ્હારે આવી છે. નર્સિંગ એસોસિએશનના ઈકબાલ કડીવાલા સહિતના 75 જેટલા વ્યક્તિઓની ટીમ સરકાર જ્યારે પણ આદેશ આપે તે સમયે તુર્કીમાં જઈને લોકોની સેવા માટે જવા તૈયાર છે.
બચાવ કામગીરીમાં વાતાવરણ પાડી રહ્યું છે વિક્ષેપ
તુર્કી અને સીરિયામાં ભૂકંપ બાદ બચાવ કાર્યકર્તાઓ હજુ પણ ફસાયેલા બચી ગયેલાઓને શોધી રહ્યા છે, જોકે ખરાબ વાતાવરણના કારણે બચાવકાર્યમાં વિક્ષેપ પડી રહ્યો છે.
રમકડાની જેમ ઉછળ્યું કન્ટેનર
રસાયણો અને અન્ય જ્વલનશીલ પદાર્થોથી ભરેલા વિશાળ કન્ટેનર તુર્કીના ઇસ્કેન્ડરન બંદર પર રમકડાની જેમ ઉછળીને પલટી ગયા હતા. જે બાદ ત્યાં આગ લાગી હતી.
ટ્રેન્ડિંગ સમાચાર
ટોપ સ્ટોરી
