ઈરાને તોડી પાડ્યું અમેરિકાનું F-35 ફાઈટર જેટ, પાયલટને શોધવા ઈરાનમાં ઘુસી US વાયુસેના
વિમાનમાં સવાર પાયલોટ ગુમ છે, જેના કારણે તણાવ વધુ વધ્યો છે. પાયલોટને શોધવા માટે યુએસ વાયુસેનાએ ઈરાનની અંદર સર્ચ ઓપરેશન શરૂ કર્યું છે.
US Jet Shot Down In Iran: મિડિલ ઈસ્ટમાં વધી રહેલા તણાવ વચ્ચે અમેરિકા અને ઈરાન વચ્ચેનો સંઘર્ષ હવે સીધા સૈન્ય ટકરાવમાં ફેરવાઈ રહ્યો છે. તાજેતરના અહેવાલો મુજબ, શુક્રવારે અમેરિકાએ પુષ્ટિ કરી છે કે તેનું એક લડાકુ વિમાન ઈરાનમાં ક્રેશ થયું છે. પ્રાથમિક અહેવાલોમાં આ વિમાન F-15 હોવાનું જણાવવામાં આવી રહ્યું છે, જેના પાયલોટની હજુ સુધી કોઈ ભાળ મળી નથી. ગુમ થયેલા પાયલોટને શોધવા માટે અમેરિકી વાયુસેનાએ ઈરાનની અંદર સર્ચ ઓપરેશન શરૂ કર્યું છે અને ન્યૂયોર્ક ટાઈમ્સના જણાવ્યા અનુસાર, અમેરિકી સૈનિકો બચાવ કામગીરી માટે ઈરાન પહોંચી ગયા છે.
બીજી તરફ, ઈરાને દાવો કર્યો છે કે તેણે અમેરિકાના અત્યાધુનિક F-35 લડાકુ વિમાનને તોડી પાડ્યું છે. ઈરાની સરકારી મીડિયાના મતે, આ વિમાન સેન્ટ્રલ ઈરાનમાં તોડી પાડવામાં આવ્યું હતું અને પાયલોટના જીવિત બચવાની શક્યતા નહિવત છે. જોકે, કેટલાક અહેવાલો એવા પણ છે કે પાયલોટને જીવતો પકડીને બંધક બનાવી લેવામાં આવ્યો છે. આ વિરોધાભાસી દાવાઓને કારણે સ્થિતિ વધુ ગંભીર બની છે અને અમેરિકા તરફથી હજુ સુધી આ અંગે કોઈ વિગતવાર સત્તાવાર પ્રતિક્રિયા આપવામાં આવી નથી.
Iran’s state-run Mehr News Agency calls on Iranian civilians to help capture the pilot and weapons officer of an American F-15E Strike Eagle that was allegedly shot down this morning over Southern Iran. pic.twitter.com/e2OsvaDB5t
— OSINTdefender (@sentdefender) April 3, 2026
દક્ષિણ ઈરાનના ખુઝેસ્તાન પ્રાંતમાં પણ ભારે અરાજકતાનો માહોલ છે. ઈરાની મીડિયા મુજબ, ત્યાં ઈસ્લામિક રિવોલ્યુશનરી ગાર્ડ કોર્પ્સ (IRGC) અને અમેરિકન સ્પેશિયલ ફોર્સ વચ્ચે સામસામે ગોળીબાર થયો છે. અહેવાલો છે કે અમેરિકી હેલિકોપ્ટરોએ ઈરાની સૈન્ય કાફલા પર હુમલો કર્યો હતો, જે કાફલો કદાચ અમેરિકી પાયલોટ જે વિસ્તારમાં હતો તે તરફ આગળ વધી રહ્યો હતો. ઈરાની ચેનલો પર એવી પણ જાહેરાત કરવામાં આવી છે કે જો કોઈ "દુશ્મન પાયલોટ" ને પકડીને પોલીસને સોંપશે તો તેને ઇનામ આપવામાં આવશે.
આ ઉપરાંત, તાસ્નિમ ન્યૂઝ એજન્સીએ દાવો કર્યો છે કે ઈરાનની એર ડિફેન્સ સિસ્ટમે ઈરાકી એરસ્પેસમાં અમેરિકન UH-60 બ્લેક હોક હેલિકોપ્ટરને તોડી પાડ્યું છે. જોકે, આ બાબતની હજુ સુધી કોઈ આંતરરાષ્ટ્રીય એજન્સી કે અમેરિકા દ્વારા સત્તાવાર પુષ્ટિ કરવામાં આવી નથી. જો આ અહેવાલો સાચા સાબિત થશે, તો મિડિલ ઈસ્ટમાં ચાલી રહેલો આ સંઘર્ષ અત્યંત જોખમી અને વિનાશક વળાંક લઈ શકે છે.
ટોપ સ્ટોરી
ટ્રેન્ડિંગ સમાચાર
