અમેરિકાએ ઈરાન પર ફરી શરૂ કર્યા હવાઈ હુમલા, બંદર અબ્બાસ, કેશમ ટાપુ પર વરસાવ્યા બોમ્બ

અમેરિકાએ એક દિવસ પહેલા હોર્મુઝ સ્ટ્રેટમાં ત્રણ જહાજો પર થયેલા હુમલાઓને અસ્વીકાર્ય ગણાવીને ઈરાનને ગંભીર પરિણામોની ચેતવણી આપી હતી

હોર્મુઝ સ્ટ્રેટમાં ત્રણ જહાજો પર થયેલા હુમલાઓને અસ્વીકાર્ય ગણાવીને ઈરાનને ગંભીર પરિણામોની ચેતવણી આપી હતી

Source : Social Media

Show Quick Read

Key points generated by AI, verified by newsroom

• અમેરિકાએ હોર્મુઝ હુમલા બદલ ઈરાન પર હવાઈ હુમલા કર્યા.
• કેશમ, બંદર અબ્બાસ અને સિરિકમાં જોરદાર વિસ્ફોટો સંભળાયા હતા.
• સેન્ટકોમે હોર્મુઝ જહાજ હુમલાના જવાબમાં કાર્યવાહી કરી.
• ઈરાને અમેરિકી હુમલાને કરાર ભંગ ગણાવ્યો, સુરક્ષા રક્ષણ.

અમેરિકાએ એક દિવસ પહેલા હોર્મુઝ સ્ટ્રેટમાં ત્રણ જહાજો પર થયેલા હુમલાઓને અસ્વીકાર્ય ગણાવીને ઈરાનને ગંભીર પરિણામોની ચેતવણી આપી હતી. હોર્મુઝમાં થયેલા આ હુમલાઓએ પશ્ચિમ એશિયામાં યુદ્ધની જ્વાળા ફરી ભડકાવી દીધી છે. અમેરિકાએ ઈરાન પર ફરી હવાઈ હુમલા શરૂ કર્યા છે. અમેરિકન સેનાએ કેશમ ટાપુ, બંદર અબ્બાસ અને સિરિકમાં હવાઈ હુમલા કર્યા છે.

ઈરાની મીડિયા અનુસાર, દક્ષિણ ઈરાનમાં કેશમ ટાપુ અને બંદર અબ્બાસમાં જોરદાર વિસ્ફોટો સંભળાયા હતા. ઈરાનના સરકારી  મીડિયા અનુસાર, સિરિકમાં પણ સાત વિસ્ફોટો સંભળાયા  હતા. ઈરાનની સરકારી ચેનલ પ્રેસ ટીવીએ કહ્યું હતું કે દક્ષિણ બંદર શહેર સિરિકમાં અનેક વિસ્ફોટ થયા હતા. સિરિકના તાહેરુઈ પિયર વિસ્તારમાં છ પ્રોજેક્ટાઈલ પડ્યા હતા.

U.S. Central Command forces have begun launching a series of powerful strikes against Iran to impose heavy costs for targeting and attacking commercial shipping crewed by innocent civilians in an international waterway. The U.S. strikes are in response to Iranian attacks on three…

— U.S. Central Command (@CENTCOM) July 7, 2026

યુએસ સેન્ટ્રલ કમાન્ડ (સેન્ટકોમ) એ હુમલાઓની પુષ્ટી કરી હતી. સોશિયલ મીડિયા પ્લેટફોર્મ X પર એક પોસ્ટમાં સેન્ટકોમે જણાવ્યું હતું કે ઈરાન સામે લશ્કરી હુમલાઓ શરૂ કરવામાં આવ્યા છે. સેન્ટકોમે આ હુમલાઓને હોર્મુઝ સ્ટ્રેટમાં વાણિજ્યિક જહાજો પર થયેલા હુમલાઓને જવાબદાર ગણાવ્યા છે. સેન્ટકોમે જણાવ્યું હતું કે હોર્મુઝમાંથી પસાર થતા ત્રણ જહાજો પર ઈરાની હુમલાઓના જવાબમાં આ હુમલાઓ કરવામાં આવી રહ્યા છે.

સેન્ટકોમે જહાજો પર ઈરાની હુમલાઓને ગેરવાજબી, ખતરનાક અને યુદ્ધવિરામનું ઉલ્લંઘન ગણાવ્યું હતું. આ દરમિયાન ઈરાની વિદેશ મંત્રાલયે અમેરિકાના હુમલાઓને ઈસ્લામાબાદ સમજૂતી કરારની જોગવાઈઓનું ઉલ્લંઘન ગણાવ્યું હતું. ઈરાની વિદેશ મંત્રાલયે આ માટે યુએસ સરકારને દોષી ઠેરવી હતી.

ઈરાને કહ્યું હતું કે તે તેના રાષ્ટ્રીય હિતોનું રક્ષણ કરવા અને રાષ્ટ્રીય સુરક્ષા સુનિશ્ચિત કરવા માટે તમામ જરૂરી પગલાં લેશે. નોંધનીય છે કે હોર્મુઝમાં જહાજો પર થયેલા હુમલા બાદ, યુએસ ટ્રેઝરી ડિપાર્ટમેન્ટે ઈરાની તેલના ઉત્પાદન અને વેચાણ માટે જારી કરાયેલ સામાન્ય લાઇસન્સ રદ કર્યું હતું.                        

આ પણ વાંચો

ઇરાનના પૂર્વ સુપ્રીમ લીડર અયાતુલ્લાહ અલી ખામેનેઇના તાબૂત પર કેમ રાખવામાં આવ્યો ખાસ લાલ ઝંડો, શું છે તેનો મતલબ ?

Strait of Hormuz: હુમલાઓ રોકવા માટે અમેરિકા અને ઈરાન વચ્ચે સહમતિ, હોર્મુંઝ પર ચર્ચા કરવા કતારમાં થશે બેઠક