ટ્રમ્પની ઇમિગ્રેશન નીતિને મોટો ફટકો: સુપ્રીમ કોર્ટે જન્મજાત નાગરિકતા રદ કરતો આદેશ ફગાવ્યો

Trump birthright citizenship ruling: અમેરિકન ભૂમિ પર જન્મેલા બાળકોના નાગરિકતાના અધિકારને સુપ્રીમ કોર્ટનું સમર્થન; 6-3 બહુમતીથી રાષ્ટ્રપતિ ડોનાલ્ડ ટ્રમ્પનો એક્ઝિક્યુટિવ ઓર્ડર રદ.

us supreme court strikes down trump birthright citizenship executive order

Source : twitter

Show Quick Read

Key points generated by AI, verified by newsroom

• અમેરિકી સુપ્રીમ કોર્ટે ટ્રમ્પના જન્મજાત નાગરિકતા આદેશને રદ કર્યો.
• અમેરિકન ધરતી પર જન્મેલા બાળકોને નાગરિકતાનો જન્મસિદ્ધ અધિકાર મળ્યો.
• મુખ્ય ન્યાયાધીશે ટ્રમ્પનો આદેશ બંધારણનું સીધું ઉલ્લંઘન ગણાવ્યો.
• નાગરિક સંગઠનોના વિરોધથી આદેશ ક્યારેય અમલમાં ન આવ્યો.

Trump birthright citizenship ruling: અમેરિકાની સુપ્રીમ કોર્ટે મંગળવારે રાષ્ટ્રપતિ ડોનાલ્ડ ટ્રમ્પની કઠોર ઇમિગ્રેશન નીતિને મોટો ઝટકો આપ્યો છે. કોર્ટે 6-3 ની બહુમતીથી ટ્રમ્પના તે વિવાદિત એક્ઝિક્યુટિવ ઓર્ડરને રદ કરી દીધો છે, જેનો ઉદ્દેશ્ય ગેરકાયદેસર ઇમિગ્રન્ટ્સ અને અસ્થાયી વિઝા પર રહેતા વિદેશીઓના બાળકોની 'જન્મજાત નાગરિકતા' (Birthright Citizenship) છીનવવાનો હતો. સુપ્રીમ કોર્ટે લાંબા સમયથી પ્રસ્થાપિત સિદ્ધાંતને ફરીથી સમર્થન આપતા સ્પષ્ટ કર્યું છે કે અમેરિકન ભૂમિ પર જન્મેલા લગભગ તમામ બાળકોને યુએસ બંધારણ હેઠળ નાગરિકતા મેળવવાનો જન્મસિદ્ધ અધિકાર છે.

ચીફ જસ્ટિસનું ઐતિહાસિક નિવેદન

સુપ્રીમ કોર્ટના મુખ્ય ન્યાયાધીશ જોન જી. રોબર્ટ્સ જુનિયરે બહુમતીનો આ ઐતિહાસિક ચુકાદો લખતા જણાવ્યું હતું કે, રાષ્ટ્રપતિ ટ્રમ્પનો આ એક્ઝિક્યુટિવ ઓર્ડર અમેરિકી બંધારણના 14મા સુધારાનું સીધું ઉલ્લંઘન કરે છે. તેમણે સ્પષ્ટતા કરી કે ગેરકાયદેસર ઇમિગ્રન્ટ માતા-પિતા હોય કે પછી યુનાઇટેડ સ્ટેટ્સમાં અસ્થાયી રૂપે (સ્ટુડન્ટ, ટુરિસ્ટ કે વર્ક વિઝા પર) રહેતા હોય, તેમના બાળકો જો અમેરિકામાં જન્મે છે, તો તેઓ જન્મ સમયે જ અમેરિકન નાગરિક ગણાય છે.

મુખ્ય ન્યાયાધીશ રોબર્ટ્સે પોતાના ચુકાદામાં નોંધ્યું છે કે, "નાગરિકતા, તે સમયે અને હાલમાં, અધિકારોનો અધિકાર છે. આ આપણી રાજકીય વ્યવસ્થા અને સમાજમાં મુક્તપણે ભાગ લેવાનો અધિકાર છે. 14મા સુધારાના ઘડવૈયાઓએ આ વચન આ ભૂમિમાં જન્મેલા દરેક મુક્ત વ્યક્તિને આપ્યું હતું, અને આજે અમે તે વચનનું પાલન કરી રહ્યા છીએ."

આ પણ વાંચોઃ વેનેઝુએલા-ઈરાન પછી અમેરિકાના નિશાના પર કયો દેશ? ડોનાલ્ડ ટ્રમ્પના ઈન્ટરવ્યુથી ખળભળાટ

શું હતો ડોનાલ્ડ ટ્રમ્પનો આદેશ?

જન્મજાત નાગરિકતા પર આ કાનૂની લડાઈની શરૂઆત 20 જાન્યુઆરી, 2025 ના રોજ થઈ હતી, જ્યારે રાષ્ટ્રપતિ ટ્રમ્પે "અમેરિકન નાગરિકતાના અર્થ અને મૂલ્યનું રક્ષણ" નામનો એક એક્ઝિક્યુટિવ ઓર્ડર જારી કર્યો હતો. આ આદેશમાં જણાવાયું હતું કે, અમેરિકન ભૂમિ પર જન્મેલા બાળકોને હવે આપમેળે નાગરિકતા મળશે નહીં. ખાસ કરીને ગેરકાયદેસર રીતે પ્રવેશેલા ઇમિગ્રન્ટ્સ અને માન્ય પરંતુ કામચલાઉ વિઝા પર રહેતા વિદેશીઓના બાળકોને અમેરિકન નાગરિકતા નકારવાનો આદેશ આપવામાં આવ્યો હતો.

આદેશનો વિરોધ અને કાનૂની લડત

રાષ્ટ્રપતિ ટ્રમ્પના આ આદેશને જારી થતાંની સાથે જ ભારે કાનૂની પડકારોનો સામનો કરવો પડ્યો હતો. નાગરિક અધિકાર સંગઠનો, ઇમિગ્રન્ટ્સના હિતમાં કામ કરતા જૂથો અને ગર્ભવતી મહિલાઓએ તાત્કાલિક કોર્ટના દરવાજા ખખડાવ્યા હતા. તેઓ મુકદ્દમા દરમિયાન આ કાયદાના અમલીકરણ પર સ્ટે લાવવામાં સફળ રહ્યા હતા. પરિણામે, આ વિવાદિત આદેશ ક્યારેય વાસ્તવિકતામાં અમલમાં મુકાયો ન હતો અને હવે સુપ્રીમ કોર્ટના આખરી ચુકાદા સાથે જ ટ્રમ્પ પ્રશાસનની આ યોજના પર કાયમ માટે પૂર્ણવિરામ મુકાઈ ગયું છે.

આ પણ વાંચોઃ ‘મોદી પીએમ હશે ત્યાં સુધી ભારત પર હુમલો થશે તો અમેરિકા સાથ આપશે’: ડોનાલ્ડ ટ્રમ્પનું વચન