આજે રાત્રે ઈરાન પર મોટો હુમલો કરશે અમેરિકા? ટ્રમ્પ કહ્યું- તે દિવસ દૂર નથી જ્યારે ખાર્ગ ટાપુ પર કરવામાં આવશે કબજો

રાષ્ટ્રપતિ ડોનાલ્ડ ટ્રમ્પે જણાવ્યું છે કે આજે રાત્રે, 11 જૂને એક મોટો હુમલો કરવામાં આવશે. ટ્રમ્પે આયોજિત હુમલાના થોડા કલાકો પહેલા જ આ ધમકી આપી હતી. તેમણે આ નિવેદન તેમના પ્લેટફોર્મ, ટ્રુથ સોશિયલ પર એક પોસ્ટમાં આપ્યું હતું.

ડોનાલ્ડ ટ્રમ્પ

Source : Social Media (X)

Show Quick Read

Key points generated by AI, verified by newsroom

• ડોનાલ્ડ ટ્રમ્પે ઈરાન પર મોટા હુમલાની ધમકી આપી હતી.
• ટ્રમ્પે ઈરાનનું તેલ બજાર કબજે કરવાની વાત કહી હતી.
• ઈરાને કુવૈત-બહેરીનમાં અમેરિકી ઠેકાણાઓ પર વળતો પ્રહાર કર્યો.
• ઈરાને હોર્મુઝ સ્ટ્રેટ બંધ કરવાની ચેતવણી પણ આપી.

Middle East Conflict: અમેરિકાએ ઈરાન પર હુમલાને લઈને મોટું નિવેદન જાહેર કર્યું છે. રાષ્ટ્રપતિ ડોનાલ્ડ ટ્રમ્પે જણાવ્યું છે કે 11 જૂનની રાત્રે એટલે કે આજે જ તે જબરદસ્ત હુમલો કરશે. ટ્રમ્પે આ ધમકી હુમલાના થોડા કલાકો પહેલા જ જાહેર કરી છે. આ નિવેદન તેમણે પોતાના ટ્રુથ સોશિયલ પર એક પોસ્ટ દ્વારા આપ્યું છે.

 

ટ્રમ્પે પોતાની પોસ્ટમાં કહ્યું છે કે અમેરિકા આજે રાત્રે ઈરાન પર જબરદસ્ત હુમલો કરશે. તેની નેવી, એરફોર્સ, રડાર, એન્ટી-એરક્રાફ્ટ અને ડિફેન્સની તમામ સિસ્ટમ, સાથે જ મોટાભાગની હુમલો કરવાની ક્ષમતા પણ ખતમ થઈ ચૂકી છે. આવનારા સમયમાં ક્યારેય પણ, આપણે ખાર્ગ આઇલેન્ડ (Kharg Island) અને તેલ સાથે જોડાયેલા અન્ય ઇન્ફ્રાસ્ટ્રક્ચર પર કબ્જો કરી લઈશું અને તેમના તેલ તેમજ ગેસ બજાર પર પૂરી રીતે કંટ્રોલ કરી લઈશું. બરાબર તે જ રીતે જેવું આપણે વેનેઝુએલાના કિસ્સામાં કર્યું છે. જે વેનેઝુએલા અને અમેરિકા બંને માટે ખૂબ ફાયદાકારક સાબિત થઈ રહ્યું છે.

પશ્ચિમ એશિયા(Middle East) માં ચાલી રહેલા ભારે તણાવ વચ્ચે અમેરિકાના હવાઈ હુમલાના જવાબમાં ઈરાનની સેના IRGC (ઇસ્લામિક રિવોલ્યુશનરી ગાર્ડ કોર્પ્સ) એ પણ આક્રમક વળતો પ્રહાર કર્યો છે. 

ઈરાને આપ્યો અમેરિકાની ધમકીનો જવાબ

જો રાષ્ટ્રપતિ ડોનાલ્ડ ટ્રમ્પના નિવેદનથી અલગ વાત કરીએ તો, પશ્ચિમ એશિયામાં સતત તણાવ વધતો જઈ રહ્યો છે. અમેરિકાના હવાઈ હુમલાના જવાબમાં ઈરાનની IRGC એ નિવેદન જાહેર કર્યું છે. આમાં દાવો કરવામાં આવ્યો છે કે તેણે કુવૈત અને બહેરીનમાં અમેરિકા સાથે જોડાયેલા મહત્વપૂર્ણ ઠેકાણાઓને નિશાન બનાવ્યા છે.

આની સાથે જ ઈરાને સ્ટ્રેટ ઓફ હોર્મુઝ (Hormuz Strait) ને પૂરી રીતે બંધ કરવાની જાહેરાત કરી છે. સાથે જ તમામ જહાજોને આ વિસ્તારથી દૂર રહેવાની ચેતવણી આપી છે.

IRGC એ નિવેદન જાહેર કરીને જણાવ્યું કે તેની વળતી સૈન્ય કાર્યવાહી અંતર્ગત કુવૈત સ્થિત અલી અલ-સલેમ અને અહેમદ અલ-જાબેર એર બેઝ તથા બહેરીનના શેખ ઈસા એર બેઝ સહિત કુલ 18 મહત્વપૂર્ણ અમેરિકી સૈન્ય પ્રતિષ્ઠાનોને નિશાન બનાવવામાં આવ્યા છે. ઈરાની સેનાના જણાવ્યા અનુસાર આ કાર્યવાહી અમેરિકા દ્વારા ઈરાનની અંદર કરવામાં આવેલા હુમલાના જવાબમાં કરવામાં આવી છે.

આ પણ વાંચો

ઓમાનમાં વધુ એક જહાજ પર હુમલો, MT જલવીરમાં આગ, શિપ પર ભારતીયો ફસાયા, 3 દિવસમાં ત્રીજો એટેક

હોર્મુઝ બંધ, ભારત પર થશે ગંભીર સંકટ, તેલથી મોંઘવારી સુધી 4 મોરચા પર લાગશે ઝટકો, ટેન્શનમાં CTI