અક્ષય બાદ દીપિકા પાદૂકોણ અને કોહલી Man vs Wildમાં જોવા મળશે: રિપોર્ટ

રિપોર્ટ્સ આવ્યા છે કે બોલીવૂડ એક્ટ્રેસ દીપિકા પાદૂકોણ અને ભારતીય ક્રિકેટર વિરાટ કોહલી આ યાદીમાં સામેલ થવાના છે.

નવી દિલ્હી: બેયર ગ્રિલ્સનો શો મેન વર્સેસ વાઈલ્ડ દુનિયાભરમાં લોકપ્રિય છે. છેલ્લા ઘણા વર્ષોમાં જાણીતી હસ્તીઓ આ શો પર આવી ચૂકી છે. ભારતના પ્રધાનમંત્રી નરેંદ્ર મોદીના આ શો પર આવ્યા બાદ લોકોને રસ વધ્યો છે. પીએમ મોદી બાદ સાઉથના સુપરસ્ટાર રજનીકાંત ફિલ્મી દુનિયામાંથી આવનાર પ્રથમ સેલિબ્રિટી બન્યા છે. હાલમાં જ અક્ષય કુમારના આ શોમાં આવવાના રિપોર્ટ્સને લઈને ચાહકો ઉત્સાહીત છે. તે શૂટિંગ માટે પણ પહોંચી ગયા છે. હવે રિપોર્ટ્સ આવ્યા છે કે બોલીવૂડ એક્ટ્રેસ દીપિકા પાદૂકોણ અને ભારતીય ક્રિકેટર વિરાટ કોહલી આ યાદીમાં સામેલ થવાના છે. રિપોર્ટ્સ મુજબ, બીજો અને ત્રીજો એપિસોડ આ બંને સાથે શૂટ કરવામાં આવશે. આશા છે કે ઘણા જાણીતા ચહેરાઓ આ શોમાં જોવા મળશે. ચાહકો રજનીકાંતના એપિસોડની આતુરતાથી રાહ જોઈ રહ્યા છે. રજનીકાંતે ટ્વિટ કરી જાણકારી આપી હતી કે બેયર ગ્રિલ્સના શોનો ભાગ બનશે. રજનીકાંતે ક્યારેય ન ભૂલાય તેવા અનુભવ માટે બેયર ગ્રિલ્સનો આભાર વ્યક્ત કર્યો હતો. ઉલ્લેખનીય છે કે મેન વર્સેસ વાઈલ્ડ એક સર્વાઈવલ ટીવી સિરીઝ છે. આ શો દુનિયાભરમાં ખૂબ જ લોકપ્રિય છે.