Pitru Paksha 2022: શ્રાદ્ધ પર્વ આવતીકાલથી શરૂ, શ્રાદ્ધ દરમિયાન પૂજા કરવી જોઇએ કે નહીં ? જાણો નિયમ

Pitru Paksha 2022 Rules: વર્ષમાં 15 દિવસ પુરેપુરી રીતે પિતૃઓને સમર્પિત હોય છે, આ સમયને પિતૃ પક્ષ કે શ્રાદ્ધ પર્વ કહેવામાં આવે છે.

ફાઇલ તસવીર

Pitru Paksha 2022 Rules: વર્ષમાં 15 દિવસ પુરેપુરી રીતે પિતૃઓને સમર્પિત હોય છે, આ સમયને પિતૃ પક્ષ કે શ્રાદ્ધ પર્વ કહેવામાં આવે છે. જાણો આ શ્રાદ્ધ પર્વમાં દેવી-દેવતાઓની પૂજા કરવી જોઇએ કે નહીં ? શું છે શ્રાદ્ધ પર્વના નિયમો......

પિતૃ પક્ષમાં દરરોજની જેમ ઇશ્વર-ભગવાનની પૂજા કરી શકો છો.

પિતૃઓને પૂજનીય જરૂર માનવામાં આવે છે, પરંતુ શાસ્ત્રો અનુસાર, ઘરમાં દેવી-દેવતાઓની પૂજાની સાથે પૂર્વજોની ઉપાસના નથી કરવામાં આવતી.

પ્રભુ કે ભગવાનની પૂજા માટે એકાગ્રતા બહુજ જરૂરી છે, ત્યારે જ આપણે આધ્યાત્મિક રીતે તેમની સાથે જોડાઇ શકીએ છીએ. ધાર્મિક માન્યતા છે કે, મંદિર કે પૂજા સ્થળ પર પિતૃઓની તસવીર કે કોઇ ફોટોગ્રાફ ના લગાવવો જોઇએ, નહીં તો ધ્યાન ભટકશે અને આપણે તે દુઃખની ઘડીને યાદ કરીશું જ્યારે આપણે તેમને ગુમાવ્યા હતા. આવામાં નકારાત્મક ઉર્જા ઉત્પન્ન થશે અને ઇશ્વરની પૂજામાં મન નહીં લાગે.

વાસ્તુ અનુસાર, પિતૃઓની તસવીર હંમેશા ઘરમાં એ રીતે લગાવો જ્યાં તેમનુ મુખ દક્ષિણ દિશા તરફ રહે. શાસ્ત્રોમાં પિતૃઓનુ સ્થાન દક્ષિણ દિશામાં માનવામાં આવે છે, ધ્યાન રહે કે ઘરમાં પિતૃઓનો માત્ર એક જ ફોટો લગાવો.

શાસ્ત્રો અનુસાર, પિતૃ પક્ષ-શ્રાદ્ધ પર્વમાં પૂર્વજોની મૃત્યુ તિથી પિતૃઓની સંતુષ્ટિ માટે શાંતિથી પિંડદાન, તર્પણ અને શ્રાદ્ધ, દાન માટે કરવામાં આવે છે. માન્યતા છે કે, પિતૃઓની આરાધનામાં મોટા અવાજથી મંત્રોચ્ચાર ના કરવા જોઇએ.

પિતૃ પક્ષ -શ્રાદ્ધ પર્વમાં પુરેપુરી શ્રદ્ધાની સાથે તર્પણ અને શ્રાદ્ધ કરો. ગરીબો અને અસહાય લોકોની મદદ કરવી જોઇએ. પશુ-પક્ષીઓ માટે ભોજન અને પાણીની વ્યવસ્થા કરો.