ધોરણ-10 અને 12 પાસ માટે કેન્દ્રીય મંત્રાલયોમાં નોકરી મેળવવાની તક, 2000થી વધુ જગ્યાઓ માટે ભરતી બહાર પડી

SSC Recruitment 2024: સ્ટાફ સિલેક્શન કમિશને કેન્દ્ર સરકારના મંત્રાલયોમાં ભરતીની જાહેરાત કરી છે. અહીં 2000 થી વધુ પોસ્ટ માટે નોકરીઓ છે. આ પદો માટે 10, 12 થી ગ્રેજ્યુએશન પાસ ઉમેદવારો અરજી કરી શકે છે.

કેન્દ્ર સરકારમાં સરકારી નોકરી મેળવવાની આ એક સુવર્ણ તક છે.

SSC Recruitment 2024: ખાસ વાત એ છે કે આ ભરતીઓ કેન્દ્ર સરકારના મંત્રાલયો માટે હશે. આ ભરતીઓ સ્ટાફ સિલેક્શન કમિશન (SSC) દ્વારા કરવામાં આવી છે. આ માટે આયોગ દ્વારા જાહેરનામું બહાર પાડવામાં આવ્યું છે. રસ ધરાવતા ઉમેદવારો સૂચનાને ધ્યાનથી વાંચીને આ માટે અરજી કરી શકે છે. ઉપરાંત, સંપૂર્ણ વિગતો SSC ssc.gov.in ની સત્તાવાર વેબસાઇટ પર જોઈ શકાય છે.

સ્ટાફ સિલેકશન કમિશન (SSC) એ કુલ 2049 જગ્યાઓ માટે અરજીઓ આમંત્રિત કરી છે. આમાં સબ ઈન્સ્પેક્ટર ફિંગ ફ્રિન્ટ (નેશનલ ક્રાઈમ રેકોર્ડ બ્યુરો)ની 20 જગ્યાઓ પણ સામેલ છે.