અનેક સ્ટાર્સ સાથે કર્યું કામ, પ્રોડ્યુસર સાથે લગ્ન બાદ આ એક્ટ્રેસનું કરિયર રહ્યું ફ્લોપ

આજે આપણે એક એવી અભિનેત્રી વિશે વાત કરીશું જે 2009થી ફિલ્મોમાં એક્ટિવ છે. 13 વર્ષના કરિયરમાં તેણે સૌથી મોટા સ્ટાર્સ સાથે વિવિધ ભાષાઓની ફિલ્મોમાં કામ કર્યું છે.

All Photo Credit: Instagram

આજે આપણે એક એવી અભિનેત્રી વિશે વાત કરીશું જે 2009થી ફિલ્મોમાં એક્ટિવ છે. 13 વર્ષના કરિયરમાં તેણે સૌથી મોટા સ્ટાર્સ સાથે વિવિધ ભાષાઓની ફિલ્મોમાં કામ કર્યું છે. તેણે અરુણ વિજય, મહેશ બાબુ, રામ પોથિનેની અને અલ્લુ અર્જુનથી લઈને અજય દેવગન, અમિતાભ બચ્ચન અને સિદ્ધાર્થ મલ્હોત્રા સુધીના ઘણા મોટા સ્ટાર્સ સાથે ફિલ્મો કરી અને પોતાના દમદાર અભિનયથી દર્શકોના દિલમાં સ્થાન મેળવ્યું છે. જો કે, તેને બોક્સ ઓફિસ પર ઘણી નિરાશાઓનો પણ સામનો કરવો પડ્યો છે. પ્રોડ્યૂસર સાથેના લગ્ન પછી તેનું કરિયર ફ્લોપ રહ્યું હતું.

અમે જે અભિનેત્રી વિશે વાત કરી રહ્યા છીએ તે અન્ય કોઈ નહીં પણ રકુલ પ્રીત સિંહ છે.

રકુલે પોતાના કરિયરની શરૂઆત કન્નડ ફિલ્મ ગિલ્લી (2009)થી કરી હતી. તેણે તેલુગુ અને તમિલ સિનેમામાં અભિનય કર્યો હતો અને કેરાટમ (2011), થડૈયારા થાક્કા (2012) અને વેંકટાદ્રી એક્સપ્રેસ (2013), પાંડાગા ચેસ્કો (2015), સર્રેનોડુ (2016), ધ્રુવ (2016) નન્નાકુ પ્રેમથો (2016) અને Spider (2017) જેવી ફિલ્મોમાં કામ કર્યું હતું

તમિલ અને તેલુગુ સિનેમા બાદ રકુલે બોલિવૂડમાં પણ સફળ ડેબ્યૂ કર્યું હતું. રકુલે યારિયાં (2014)થી બોલિવૂડમાં ડેબ્યૂ કર્યું હતું. તેણે અજય દેવગનની હિટ કોમેડી ફિલ્મ ‘દે દે પ્યાર દે’માં પોતાના અભિનયથી લોકોના દિલ જીતી લીધા હતા.

છેલ્લા કેટલાક સમયથી રકુલનું કરિયર પાટા પરથી ઉતરી ગયું છે. તે ઘણી ફ્લોપ ફિલ્મોનો ભાગ રહી ચૂકી છે.

વર્ષ 2024માં રકુલે તેના લોંગ ટાઈમ બોયફ્રેન્ડ અને પૂજા એન્ટરટેઈનમેન્ટના જેકી ભગનાની સાથે લગ્ન કર્યા. લગ્ન પછી અભિનેત્રીની ઘણી ફિલ્મો રિલીઝ થઈ જે ફ્લોપ રહી હતી.

રકુલની તાજેતરની ફ્લોપ ફિલ્મોમાં ઈન્ડિયન 2, થેંક ગોડ, રનવે 34, અટેક, સરદાર કા ગ્રાન્ડસનનો સમાવેશ થાય છે. તેની એકમાત્ર હિટ તમિલ ફિલ્મ ‘અયલાન’ હતી.

રણવીર અલ્લાહબાદિયા સાથેના તાજેતરના ઇન્ટરવ્યૂમાં રકુલે ખુલાસો કર્યો હતો કે ચાર દિવસના શૂટિંગ પછી પ્રભાસ સ્ટારર ફિલ્મમાંથી તેણીને બદલવામાં આવી હતી અને તેણીને આ વિશે જાણ પણ કરવામાં આવી ન હતી. રકુલે કહ્યું હતું કે, "મારા ડેબ્યૂ પહેલા ચાર દિવસના શૂટિંગ પછી મને એક ફિલ્મમાંથી હટાવી દેવામાં આવી હતી. તે પ્રભાસ સાથેની તેલુગુ ફિલ્મ હતી.

રકુલની આગામી ફિલ્મો વિશે વાત કરીએ તો અભિનેત્રી ટૂંક સમયમાં ‘ઇન્ડિયન 3’ અને ‘દે દે પ્યાર દે 2’ માં જોવા મળશે.