Mirzapur 3 : રસિકા દુગ્ગલે શરુ કર્યું મિર્ઝાપુર 3નું શૂટિંગ, જુઓ સેટ પરના ફોટો

Mirzapur 3 : અભિનેત્રી રસિકા દુગ્ગલે નવાબોના શહેર લખનઉમાં 'મિર્ઝાપુર'ની ત્રીજી સીઝનનું શૂટિંગ શરૂ કર્યું છે.

મિર્ઝાપુરની સ્ટારકાસ્ટ

અભિનેત્રી રસિકા દુગ્ગલે નવાબોના શહેર લખનઉમાં 'મિર્ઝાપુર'ની ત્રીજી સીઝનનું શૂટિંગ શરૂ કર્યું છે.

રસિકાને મિર્ઝાપુરની બંને સીઝનમાં બીના ત્રિપાઠીની ભૂમિકા માટે ઘણો પ્રેમ મળ્યો છે અને હવે તે ત્રીજી સીઝન માટે તેની ભૂમિકા ફરી કરવા માટે તૈયાર છે.

આ વિશે વાત કરતાં રસિકા કહે છે, "લખનઉમાં શૂટિંગ કરવું હંમેશાં અદ્ભુત હોય છે. હું 'મિર્ઝાપુર' માટે શૂટ કરવા માટે હંમેશા તૈયાર હોઉં છું. હું સારા ભોજન અને અદ્ભુત શૂટિંગ અનુભવની રાહ જોઈ રહી છું."

જણાવી દઈએ કે, 'મિર્ઝાપુર' એમેઝોન પ્રાઇમ વિડિયોની સૌથી ચર્ચિત અને હિટ સીરિઝમાંથી એક છે. તેની બે સિઝન રિલીઝ થઈ ચૂકી છે.

મિર્ઝાપુરની બંને સિઝનને ઘણી લોકપ્રિયતા અને પ્રેમ મળ્યો છે. મિર્ઝાપુર સિરીઝના ફેન્સ હવે તેની ત્રીજી સીઝનની આતુરતાથી રાહ જોઈ રહ્યા છે.

'મિર્ઝાપુર' સિઝન 3 માં પંકજ ત્રિપાઠી, અલી ફઝલ, શ્વેતા ત્રિપાઠી, વિજય વર્મા અને ઈશા તલવાર પણ છે, અને તેને ફરહાન અખ્તર અને રિતેશ સિધવાનીના પ્રોડક્શન હાઉસ, એક્સેલ એન્ટરટેઈનમેન્ટ દ્વારા સમર્થિત છે.

મિર્ઝાપુર 3 ક્યારે રિલીઝ થશે તે અંગે હજુ સુધી કોઈ માહિતી સામે આવી નથી. હાલમાં સિરીઝનું શૂટિંગ ચાલી રહ્યું છે.

રસિકા દુગ્ગલ હાલ વિવિધ વેબ સિરીઝમાં જોવા મળી છે. તાજેતરમાં નેટફ્લિક્સ પર આવેલી દિલ્હી ક્રાઈમ સિઝન 2માં પણ રસિકા દુગ્ગલની એક્ટિંગની પ્રસંશા થઈ હતી.