'દીકરી કહીને બોલાવતો હતો, પછી મીટિંગમાં દરવાજો બંધ કરીને...', જાતીય શોષણ અંગે અભિનેત્રીનો ચોંકાવનારો ખુલાસો

તાજેતરના ઇન્ટરવ્યૂમાં રેવતી સંપતે દાવો કર્યો કે મલયાલમ સ્ટાર સિદ્દીકીએ તેમનું જાતીય શોષણ કર્યું. અભિનેત્રીએ ઘણા ખુલાસા કર્યા છે. તેમના ખુલાસાથી ઇન્ડસ્ટ્રીમાં હલચલ મચી ગઈ છે.

અભિનેત્રી રેવતી સંપત પોતાના ખુલાસાઓને કારણે સમાચારોમાં છે. અભિનેત્રીએ લોકપ્રિય મલયાલમ અભિનેતા સિદ્દીકી પર ગંભીર આરોપો મૂક્યા છે. રેવતીએ સિદ્દીકી પર જાતીય શોષણનો આરોપ મૂક્યો છે.

ANIને આપેલા ઇન્ટરવ્યૂમાં અભિનેત્રીએ મુશ્કેલ દિવસો વિશે વાત કરી. તેણે કહ્યું કે સિદ્દીકીએ શરૂઆતમાં તેમને બનાવટી (એવું લાગ્યું) એકાઉન્ટથી સોશિયલ મીડિયા પર સંપર્ક કર્યો હતો. તે સમયે તે શાળામાં હતી.

અભિનેત્રીએ દાવો કર્યો, '12માં ધોરણમાં હું અભિનેતા સિદ્દીકીના સંપર્કમાં આવી હતી. તે મને એક એકાઉન્ટથી મેસેજ કરતા હતા જે બનાવટી લાગતું હતું. તે મારી સાથે 2 વર્ષ સુધી સંપર્કમાં રહ્યા અને તે મને દીકરી કહીને બોલાવતા હતા.'