Sugarcane Juice: ડાયાબિટીસના દર્દીઓ માટે શેરડીનો રસ પીવો યોગ્ય છે કે નહીં?

Sugarcane Juice: શેરડીનો રસ મીઠો હોય છે. ડાયાબિટીસના દર્દીઓ માટે તે જોખમી હોવાનું કહેવાય છે. પરંતુ શું તે ખરેખર સાચું છે? ડાયાબિટીસના દર્દીઓએ શેરડીનો રસ પીવો જોઈએ કે નહીં?

પ્રતિકાત્મક તસવીર

ગરમીના દિવસોમાં ઠંડો શેરડીનો રસ પીવાથી શરીરને રાહત મળે છે. શેરડીનો રસ સ્વાસ્થ્ય માટે ફાયદાકારક છે કારણ કે તેમાં ઘણા બધા એન્ટીઑકિસડન્ટ અને ફાઇબર હોય છે. શેરડીના રસને એક ઉત્તમ ઇમ્યુનિટી બૂસ્ટર પણ કહેવાય છે. છતાં ડાયાબિટીસ ધરાવતા લોકોને શેરડીના રસથી દૂર રહેવાની સલાહ આપવામાં આવે છે.

આરોગ્ય નિષ્ણાતો કહે છે કે શેરડીના રસમાં સંપૂર્ણપણે ખાંડ રહેતી નથી. તેમાં સુક્રોઝ હોય છે એટલે કે તેમાં કુદરતી મીઠાશ હોય છે. શેરડીના રસમાં 70 ટકાથી વધુ પાણી હોય છે. જેમાં 10થી 15 ટકા ફાઇબર અને 13થી 15 ટકા ખાંડ હોય છે. શેરડીનો રસ પ્રક્રિયા વગરનો હોવાથી તેમાં ફેનોલિક અને ફ્લેવોનોઇડ્સ પણ હોય છે. જે શરીર માટે ફાયદાકારક હોય છે.

શેરડીના રસમાં ખાંડ કરતાં ઓછો ગ્લાયકેમિક ઇન્ડેક્સ હોય છે. છતાં પણ તે ડાયાબિટીસ ધરાવતા લોકો માટે ઉચ્ચ ગ્લાયકેમિક ઇન્ડેક્સ શ્રેણીમાં આવે છે. ઉચ્ચ સુક્રોઝનું પ્રમાણ બ્લડ સુગરનું સ્તર વધારી શકે છે.

જો તમે ડાયાબિટીસની દવા લઈ રહ્યા છો તો તમારે શેરડીના રસનું સેવન મર્યાદિત પ્રમાણમાં કરવું જોઈએ અને તે પીતા પહેલા તમારા ડૉક્ટરની સલાહ લેવી જોઈએ. આરોગ્ય નિષ્ણાતો સામાન્ય રીતે ભલામણ કરે છે કે ડાયાબિટીસ ધરાવતા લોકો તેમની બ્લડ સુગરને નિયંત્રિત કરવા માટે શેરડીના રસને ટાળવું જોઈએ.

Disclaimer: અહીં, પૂરી પાડવામાં આવેલ વિગતો માત્ર મીડિયા રિપોર્ટ્સ પર આધારિત છે. એબીપી અસ્મિતા કોઈપણ પ્રકારની માન્યતા, માહિતીને સમર્થન આપતું નથી.