Monsoon Health Tips: ચોમાસામાં મચ્છર વધારે કરડતાં હોય તો અપનાવો આ ઘરેલું ટિપ્સ, આસપાસ પણ નહીં ફરકે

ચોમાસામાં મચ્છર કરડવાથી ડેન્ગ્યુ અને મેલેરિયા જેવી બીમારીઓ થાય છે. આજકાલ, કોઇલ અને અન્ય મચ્છર ભગાડનાર લિક્વિડ રિફિલની પણ મચ્છરો પર કોઈ અસર થતી નથી. આ પદ્ધતિઓ થોડા સમય માટે જ રાહત આપે છે.

તમે મચ્છરોને દૂર કરવા માટે અસરકારક ઘરેલું ઉપચાર અપનાવી શકો છો. મચ્છરોથી બચવા માટે ઘણી પ્રાકૃતિક વસ્તુઓ છે જે તમને શાંતિપૂર્ણ ઊંઘ આપી શકે છે. ચાલો જાણીએ કે મચ્છરોને ભગાડવાના ઘરગથ્થુ ઉપાયો શું છે.

જો તમને રાત્રે મચ્છર પરેશાન કરે છે અને તમે કોઇલ અથવા અન્ય કેમિકલ વસ્તુઓનો ઉપયોગ કરવા માંગતા નથી, તો તમે કપૂરનો ઉપયોગ કરી શકો છો. તમે રૂમમાં કપૂર સળગાવી દો અને તેને લગભગ 15-20 મિનિટ માટે છોડી દો. તેનાથી મચ્છરો તરત જ ભાગી જશે.

લીમડાના તેલનો ઉપયોગ મચ્છરોથી બચવા માટે થાય છે. આ માટે લીમડો અને નારિયેળ તેલને સમાન માત્રામાં મિક્સ કરો. હવે આ તેલને તમારા શરીર પર સારી રીતે લગાવો. આ સાથે, મચ્છર લગભગ આઠ કલાક તમારી નજીક ભટકશે નહીં.

જો તમને દિવસ દરમિયાન પણ મચ્છર કરડે તો તમે નીલગિરીના તેલનો ઉપયોગ કરી શકો છો. આ ઉપાય અપનાવવા માટે નીલગિરીના તેલમાં સમાન માત્રામાં લીંબુ મિક્સ કરો. હવે આ તેલને શરીર પર લગાવો. તેની તીવ્ર ગંધને કારણે મચ્છર તમારી આસપાસ ભટકશે નહીં.

મચ્છરોને ઘરમાં પ્રવેશતા રોકવા માટે લસણનો ઉપયોગ કરો. લસણની ગંધથી મચ્છર ભાગી જાય છે. આ માટે લસણને પીસીને પાણીમાં નાખીને ઉકાળો. હવે આ પાણીને ઘરના દરેક ખૂણામાં છાંટો. તેનાથી બહારના મચ્છરો ઘરની અંદર આવતા અટકાવશે.

મચ્છરોથી બચવાનો બીજો ઘરેલું ઉપાય છે લવંડર. તેની સુગંધ ખૂબ જ તીવ્ર હોય છે, જેના કારણે મચ્છર નજીક આવતા નથી અને તમને કરડે પણ નથી. તમે ઘરમાં લવંડર રૂમ ફ્રેશનર પણ ઉમેરી શકો છો.

તમામ તસવીરનો ઉપયોગ પ્રસ્તુતિકરણ માટે કરવામાં આવ્યો છે.