Skin Care Tips: પ્રવાસ દરમિયાન થતી ટેનિંગની સમસ્યાથી આ રીતે મેળવો છૂટકારો, પાર્લરમાં ખર્ચ નહીં કરવો પડે

ટ્રાવેલ દરમિયાન સ્કિન ટેનિંગની સમસ્યા સામાન્ય છે. તેનાથી છૂટકારો મેળવવા માટે અમે તમને કેટલાક ઘરેલું ઉપાય જણાવી રહ્યા છીએ જેના દ્વારા તમે ટેનિંગથી છુટકારો મેળવી શકો છો. આવો જાણીએ આ DIY વિશે.

સ્કિન કેર ટિપ્સ

Remedies To Detan Skin: ટ્રાવેલ દરમિયાન સ્કિન ટેનિંગની સમસ્યા સામાન્ય છે. તેનાથી છૂટકારો મેળવવા માટે અમે તમને કેટલાક ઘરેલું ઉપાય જણાવી રહ્યા છીએ જેના દ્વારા તમે ટેનિંગથી છુટકારો મેળવી શકો છો. આવો જાણીએ આ DIY વિશે.

ઘણી વખત આપણે સફર દરમિયાન સનસ્ક્રીનનો ઉપયોગ કરવાનું ભૂલી જઈએ છીએ, જેના કારણે ટેનિંગની સમસ્યા થાય છે. આ ટેનિંગ સફર પૂરી થયા પછી અનુભવાય છે.

જો આપ પાર્લરમાં જઈને સમય અને પૈસા બંને ખર્ચવા નથી માંગતા તો આજે અમે તમને ઘરે બેઠા DIY દ્વારા સ્કિન ટેનિંગની સમસ્યાને દૂર કરવાના ઉપાયો જણાવીશું.

ચાલો જાણીએ કે તમે કેવી રીતે ઘરે આ વસ્તુઓ તૈયાર કરીને ટેનિંગથી છુટકારો કેવી રીતે મેળવી શકો છો.

ચણાના લોટનો ઉપયોગઃ ચણાનો લોટ ત્વચાનો રંગ નિખારવામાં મદદ કરે છે. બીજી તરફ, હળદર ત્વચાને ચમકાવતું એજન્ટ છે. દહીંમાં લેક્ટિક એસિડ હોય છે જે તમારી ત્વચાને નરમ બનાવવામાં મદદ કરે છે. આ ત્રણેયને મિક્સ કરો અને પેસ્ટને ટેનિંગ એરિયા પર લગાવો જ્યાં સુધી તે સુકાઈ ન જાય, પછી તેને હાથથી સ્ક્રબ કરીને ફેસ વોશ કરી લો.

લીંબુ અને મધ: લીંબુ બ્લીચિંગ એજન્ટ તરીકે કામ કરે છે, જે સન ટેન દૂર કરવામાં મદદ કરે છે. લીંબુના રસમાં મધ મિક્સ કરો તેમજ તેમાં ખાંડ ઉમેરો, હવે તેને મિક્સ કરો અને ટેનિંગ એરિયા પર 20 મિનિટ સુધી લગાવો. પછી તેને સ્ક્રબ કરીને ધોઈ લો.

ટામેટાં પણ ઉપયોગી છે: ટામેટાં તેના એન્ટીઑકિસડન્ટ ગુણધર્મો માટે જાણીતું છે અને તે સ્કિન ગ્લોઇંગમાં પણ મદદ કરે છે.

પપૈયું ટેનિંગ પણ દૂર કરે છેઃ પાકેલા પપૈયા, તરબૂચ, બટેટા, ટામેટા અને કાકડીના ટુકડા એકસાથે લઈને જેલી જેવી પેસ્ટ બનાવો. તેને એક મિનિટ માટે ફ્રિજમાં રાખો, હવે તેને ટેનિંગ એરિયા પર ઘસો જ્યાં સુધી તે ત્વચામાં શોષાઈ ન જાય

મસૂર, હળદર અને દૂધ: મસૂર દાળને દૂધમાં પલાળી રાખો અને તેને આખી રાત રહેવા દો. પછી તેને હળદર સાથે પીસી લો. આ પેસ્ટને ટેનિંગ એરિયા પર જ્યાં સુધી તે સુકાઈ ન જાય ત્યાં સુધી લગાવો અને પછી ફેશ વોશ કરી લો.