કેન્દ્રીય કર્મચારીઓની લોટરી! 8મા પગાર પંચમાં DA સાથે બદલાશે વેતન ફોર્મ્યુલા, જાણો વિગત

કેન્દ્રીય કર્મચારીઓની માંગ: DAમાં 2% વધારા સાથે લઘુત્તમ વેતનનો જૂનો ફોર્મ્યુલા પણ બદલાય.

8th Pay Commission News Minimum Wage Formula Change for Central Govt

કર્મચારી યુનિયનોનું કહેવું છે કે વધતી મોંઘવારી સામે માત્ર 2% DA નો વધારો પૂરતો નથી. આથી, તેમણે સરકાર સમક્ષ એક પાયાની માંગણી રજૂ કરી છે કે પગાર નક્કી કરવા માટે જે 'લઘુત્તમ વેતન ફોર્મ્યુલા' વપરાય છે, તેમાં પણ ધરમૂળથી ફેરફાર થવો જોઈએ. આ માંગણી જો સ્વીકારાય તો ભવિષ્યમાં કર્મચારીઓના પગારમાં મોટો ઉછાળો આવી શકે છે.

અત્યારે સરકાર 'કુટુંબ એકમ' (Family Unit) ના આધારે લઘુત્તમ વેતનની ગણતરી કરે છે. આ એક એવું મોડેલ છે જે અંદાજ લગાવે છે કે એક કર્મચારીના પરિવારના ભરણપોષણ માટે કેટલી લઘુત્તમ રકમની જરૂર પડે છે. આ જ ગણતરીના આધારે કર્મચારીનો લઘુત્તમ પગાર અને ફિટમેન્ટ ફેક્ટર નક્કી કરવામાં આવે છે, જે સીધી રીતે કુલ પગારને અસર કરે છે.