FD Rates: આ સરકારી બેંકોની FD સ્કીમ પર મળી રહ્યું છે સૌથી વધુ વ્યાજ! જુઓ સંપૂર્ણ યાદી

રિઝર્વ બેંક દ્વારા રેપો રેટ (RBI Repo Rate) માં સતત વધારાની અસર બેંકના થાપણ દરો (FD Rates) પર સ્પષ્ટપણે દેખાય છે.

પ્રતિકાત્મક તસવીર

Fixed Deposit Rates: કેનેરા બેંક દેશના સામાન્ય લોકોને 7 દિવસથી 10 વર્ષ સુધીની FD કરવાની સુવિધા આપે છે. બેંક સામાન્ય નાગરિકોને FD પર 2.90% થી 6.00% વ્યાજ દર ઓફર કરી રહી છે.

Fixed Deposit Rates: રિઝર્વ બેંક દ્વારા રેપો રેટ (RBI Repo Rate) માં સતત વધારાની અસર બેંકના થાપણ દરો (FD Rates) પર સ્પષ્ટપણે દેખાય છે. દેશની ઘણી મોટી બેંકોએ તાજેતરમાં જ તેમના એફડીના દરમાં વધારો કર્યો છે.

આવી સ્થિતિમાં, ગ્રાહકોને FD સ્કીમ પર સારું વળતર મળી રહ્યું છે. આજે અમે તમને તે 5 જાહેર ક્ષેત્રની બેંકો વિશે માહિતી આપી રહ્યા છીએ જ્યાં ગ્રાહકોને FD પર સૌથી વધુ વ્યાજ મળી રહ્યું છે.

કેનેરા બેંક દેશના સામાન્ય લોકોને 7 દિવસથી 10 વર્ષ સુધીની FD કરવાની સુવિધા આપે છે. બેંક સામાન્ય નાગરિકોને FD પર 2.90% થી 6.00% વ્યાજ દર ઓફર કરી રહી છે. 666 દિવસની FD પર 6.00% વ્યાજ મળે છે.

દેશની બીજી સૌથી મોટી બેંક પંજાબ નેશનલ બેંક તેના ગ્રાહકોને 7 દિવસથી 10 વર્ષની FD પર 3.00% થી 6.10% સુધીના વ્યાજ દરો ઓફર કરી રહી છે. 405 દિવસની FD પર 6.10% વ્યાજ દર ઉપલબ્ધ છે.

દેશની સૌથી મોટી જાહેર ક્ષેત્રની બેંક સ્ટેટ બેંક ઓફ ઈન્ડિયા તેના ગ્રાહકોને 7 દિવસથી લઈને 10 વર્ષ સુધીની FD કરવાની તક આપે છે. બેંક કુલ વ્યાજ દર 3.50% થી 6.10% સુધી આપે છે. 1,000 દિવસની FD પર 6.10% વ્યાજ મળે છે.

યુનિયન બેંક ઓફ ઈન્ડિયા તેના ગ્રાહકોને રૂ. 2 કરોડથી ઓછી એફડી પર 3.00% થી 5.80% સુધીના વ્યાજ દર ઓફર કરે છે. આ દરો 7 દિવસની FD થી 10 વર્ષની FD માટે છે. મહત્તમ વ્યાજ દર 5 થી 10 વર્ષ સુધીની FD પર ઉપલબ્ધ છે.

સેન્ટ્રલ બેંક ઓફ ઈન્ડિયા 7 દિવસથી લઈને 10 વર્ષ સુધીની મુદતવાળી FD પર 2.75% થી 5.60% સુધીના વ્યાજ દરો ઓફર કરે છે. 5 થી 10 વર્ષની મુદતવાળી FD યોજનાઓ પર મહત્તમ વ્યાજ આપવામાં આવે છે.