mAadhaar App: જો તમને મુસાફરી દરમિયાન આધારની જરૂર હોય તો ડાઉનલોડ કરો mAadhaar એપ, જાણો સરળ રીત

e-Aadhaar Card: હાલમાં આધાર કાર્ડ સૌથી મહત્વપૂર્ણ દસ્તાવેજ બની ગયો છે. મુસાફરી દરમિયાન, બેંક ખાતું ખોલવું, મિલકત ખરીદવી વગેરે જેવી તમામ પ્રવૃત્તિઓ માટે આધાર કાર્ડ જરૂરી છે.

પ્રતિકાત્મક તસવીર

Download e-Aadhaar Card with mAadhaar App: ઘણી વખત એવું જોવામાં આવ્યું છે કે મુસાફરી દરમિયાન આપણે આધાર કાર્ડ ઘરે જ ભૂલી જઈએ છીએ, તો આપણને પણ ઘણી મુશ્કેલીનો સામનો કરવો પડે છે.

જો તમારી સાથે પણ આવું કંઈક થાય છે, તો UIDAI તમને mAadhaar એપ દ્વારા ઈ-આધાર કાર્ડ ડાઉનલોડ કરવાની સુવિધા આપે છે.

તમે માત્ર 10 મિનિટમાં mAadhaar એપ પરથી ઈ-આધાર ડાઉનલોડ કરી શકો છો. સૌથી પહેલા તમારા મોબાઈલમાં mAadhaar એપ ડાઉનલોડ કરો.

આ પછી, એપમાં તમારી પ્રોફાઇલ બનાવવા માટે પહેલા રજીસ્ટર આધાર વિકલ્પ પસંદ કરો. આ પછી તમારો 4 અંકનો પાસવર્ડ બનાવો.

આ પછી અન્ય તમામ વિગતો દાખલ કરીને તમારો રજિસ્ટર્ડ મોબાઈલ નંબર દાખલ કરો. આ પછી રજિસ્ટર્ડ મોબાઈલ નંબર પર OTP આવશે, તેને એન્ટર કરો. તમારો આધાર નંબર mAadhaar એપમાં રજીસ્ટર કરવામાં આવશે.

આ પછી, મેનુમાં માય આધાર ટેબ પર ક્લિક કરો અને પછી 4 નંબરનો પિન દાખલ કરો અને થોડી સેકંડ રાહ જુઓ. તમારું ઈ-આધાર મોબાઈલમાં ખુલશે.