Mutual Funds: રોકાણકારો માલામાલ! આ મ્યુચ્યુઅલ ફંડે માત્ર 8 દિવસમાં જ આપ્યું બમ્પર રિટર્ન

Motilal Oswal Defence MF: આ નવી મ્યુચ્યુઅલ ફંડ યોજના સંરક્ષણ ક્ષેત્ર પર કેન્દ્રિત છે, જેની ફંડ ઓફર ગયા મહિને જ બજારમાં લોન્ચ કરવામાં આવી હતી…

મોતીલાલ ઓસ્વાલના આ ડિફેન્ડ મ્યુચ્યુઅલ ફંડની નવી ફંડ ઓફર ગયા મહિને જ લોન્ચ કરવામાં આવી હતી. ફંડનો NFO 13 જૂને ખોલવામાં આવ્યો હતો અને 24 જૂન સુધી સબસ્ક્રિપ્શન માટે ખુલ્લો રહ્યો હતો.

આ મહિને શરૂ કરાયેલા મ્યુચ્યુઅલ ફંડે તેના રોકાણકારોને થોડા દિવસોમાં જ સારી આવક કરાવી છે. આ ફંડ લોન્ચ થયાને માત્ર 8 દિવસ જ થયા છે અને જેમણે તેને સબસ્ક્રાઇબ કર્યું છે તેઓને લગભગ 9 ટકા નફો કરી રહ્યા છે.

અમે મોતાલાલ ઓસ્વાલ નિફ્ટી ઈન્ડિયા ડિફેન્સ ઈન્ડેક્સ ફંડ વિશે વાત કરી રહ્યા છીએ, જે એક પેસિવ મ્યુચ્યુઅલ ફંડ છે અને સંરક્ષણ ક્ષેત્ર પર ધ્યાન કેન્દ્રિત કરે છે. આ ફંડે તેની શરૂઆતના 8 દિવસમાં 8.62 ટકા વળતર આપ્યું છે.