Gujarat Rain: આગામી સાત દિવસ સુધી ગુજરાતમાં વરસાદની આગાહી, આ જિલ્લાઓમાં તૂટી પડશે વરસાદ

Gujarat Rain: આગામી સાત દિવસ સુધી ગુજરાતમાં વરસાદની આગાહી, જ્યાં ક્યાં-ક્યાં પડશે

આગામી સાત દિવસ વરસાદની આગાહી

અમદાવાદ: હવામાન વિભાગની આગાહી મુજબ આગામી સાત દિવસ રાજ્યમાં હળવાથી લઈ મધ્યમ વરસાદ રહેશે. આજે સૌરાષ્ટ્રમાં હળવાથી મધ્યમ વરસાદની આગાહી કરવામાં આવી છે. બનાસકાંઠા, સાબરકાંઠા, નવસારી, વલસાડ, દમણ અને દાદરા નગર હવેલીમાં આજે હળવાથી મધ્યમ તેમજ ભારે વરસાદની આગાહી હવામાન વિભાગે કરી છે.

આવતીકાલથી સમગ્ર ગુજરાતમાં ભારે વરસાદની આગાહી હવામાન વિભાગે કરી છે. પાંચ દિવસ માછીમારોને દરિયો ન ખેડવા સૂચના આપવામાં આવી છે. અમદાવાદમાં હળવાથી મધ્યમ વરસાદની આગાહી કરવામાં આવી છે.

22 જૂન રવિવારે પણ રાજ્યમાં અનેક જિલ્લાઓમાં વરસાદી માહોલ રહે છે. બનાસકાંઠા, સાબરકાંઠા,. મહેસાણા, અરવલ્લી, ગાંધીનગર, અમદાવાદ સહિતના જિલ્લાઓમાં વરસાદનું અનુમાન છે.

23 જૂન સોમવારના દિવસે પણ સૌરાષ્ટ્રમાં મેઘરાજા મહેરબાન થશે. અમરેલી અને ભાવનગર જિલ્લામાં ગાજવીજ સાથે વરસાદનું અનુમાન હવામાન વિભાગે વ્યક્ત કર્યું છે.

24 જૂન મંગળવારના દિવસે રાજ્યમાં વરસાદી માહોલ રહેશે. સૌરાષ્ટ્ર કચ્છ સિવાય ઉત્તર ગુજરાતમાં પણ વરસાદ વરસવાની શક્યતા છે. આ દિવસે સમગ્ર ગુજરાતમાં હળવાથી મધ્યમ વરસાદની આગાહી કરવામાં આવી છે.

25 જૂન બુધવારના દિવસે રાજ્યના અમૂક જિલ્લાઓમાં છૂટાછવાયા વરસાદની શક્યતા છે. સામાન્યથી લઈ હળવો વરસાદ વરસી શકે છે.

આવતીકાલે પણ રાજ્યમાં વરસાદી માહોલ રહે છે. અદાવાદ અને ગાંધીનગરમાં આવતીકાલે વરસાદની આગાહી વ્યક્ત કરવામાં આવી છે.