Amreli Rain: અમરેલી શહેર અને જિલ્લામાં વીજળીના કડાકા અને ગાજવીજ સાથે ધોધમાર વરસાદ

Amreli Rain: અમરેલી શહેર અને જિલ્લામાં વીજળીના કડાકા અને ગાજવીજ સાથે ધોધમાર વરસાદ

અમરેલી જિલ્લામાં વરસાદ

અમરેલી: હવામાન વિભાગની આગાહીને પગેલે અમરેલી જિલ્લામાં વરસાદી માહોલ યથાવત છે. છેલ્લા ઘણા દિવસોથી અમરેલી જિલ્લામાં સતત વરસાદ વરસી રહ્યો છે. અમરેલી શહેર અને જિલ્લામાં આજે પણ વાતાવરણમાં પલટો આવ્યો હતો.

અમરેલી શહેર અને ગ્રામ્ય વિસ્તારોમાં ભારે પવન સાથે કમોસમી વરસાદ વરસ્યો છે. અમરેલી વડેરા, નાના ભંડારિયા, સરંભડા સહિત આસપાસના વિસ્તારોમાં કમોસમી વરસાદ વરસ્યો છે.

વીજળીના કડાકા ભડાકા અને ભારે પવન સાથે કમોસમી વરસાદ પડ્યો છે. સતત કમોસમી વરસાદને લઈ જગતનો તાત ચિંતિત છે. અમરેલી જિલ્લામાં કમોસમી વરસાદને લઈ ખેડૂતો મુશ્કેલીમાં મૂકાયા છે. માવઠાને કારણે ખેડૂતોના પાકને મોટું નુકસાન થયું છે.

અમરેલી જિલ્લામાં મિની વાવાઝોડા જેવો માહોલ જોવા મળી રહ્યો છે. અમરેલી જિલ્લામાં ગાજવીજ સાથે ધોધમાર વરસાદ વરસ્યો છે. લાઠી અને આસપાસના ગામડાઓમાં પણ ધોધમાર વરસાદ પડ્યો છે.

લાઠીમાં ભારે પવન સાથે ધોધમાર વરસાદ ખાબક્યો છે. ભારે પવન ફૂંકાતા અનેક ઠેકાણે વૃક્ષો ધરાશાયી થયા છે.

અમરેલી-બગસરા હાઈવે પર ગાવડકા ચોકડી પાસે વૃક્ષ ધરાશાયી થયું હતું.