Gujarat Rain: આગામી બે દિવસ ગાજવીજ અને તોફાન સાથે વરસાદની આગાહી, જાણો ક્યાં તૂટી પડશે

Gujarat Rain: આગામી બે દિવસ ગાજવીજ અને તોફાન સાથે વરસાદની આગાહી, જાણો ક્યાં તૂટી પડશે

પ્રતિકાત્મક તસવીર

અમદાવાદ: રાજ્યના હવામાન વિભાગ દ્વારા કમોસમી વરસાદની આગાહી કરવામાં આવી છે. હવામાન વિભાગની આગાહી અનુસાર, રાજ્યમાં ગાજવીજ આંધી તોફાન સાથે મધ્યમ વરસાદની આગાહી કરવામાં આવી છે.

રાજ્યમાં આગામી બે દિવસ કમોસમી વરસાદની આગાહી હવામાન વિભાગે કરી છે. આ દરમિયાન 30-40 કિમી પ્રતિ કલાકની ઝડપે પવન ફૂંકાવાની પણ શક્યતા વ્યક્ત કરવામાં આવી છે.

રાજ્યમાં એક સાથે 2 સાયક્લોનિક સર્ક્યુલેશન ,વેસ્ટર્ન ડિસ્ટર્બન્સ, વરસાદી ટ્રફ સક્રિય હોવાના કારણે હવામાન વિભાગે વરસાદની શક્યતા વ્યક્ત કરી છે. આગામી બે દિવસ દરમિયાન રાજ્યના અનેક જિલ્લાઓમાં વાતાવરણમાં પલટો જોવા મળશે.

હવામાન વિભાગની આગાહી અનુસાર, આજે કચ્છ, બનાસકાંઠા, પાટણ, સાબરકાંઠા, મેહસાણા, દ્વારકા, રાજકોટ,જામનગર, પોરબંદર, જુનાગઢ, ગીર સોમનાથ, અમરેલી, ભાવનગર, વડોદરા, ભરૂચ, છોટા ઉદેપુર, દાહોદ, નર્મદા, સુરત, તાપી, નવસારી, ડાંગ, વલસાડ, દમન, દાદરાનગર હવેલીમાં વરસાદની આગાહી કરવામાં આવી છે.

આવતીકાલે 3 એપ્રિલે રાજ્યમાં બનાસકાંઠા, સાબરકાંઠા, કચ્છ,દ્વારકા,પોરબંદર,જૂનાગઢ ,ગીર સોમનાથ,આમરેલી,જામનગર,દીવમાં વરસાદની આગાહી કરવામાં આવી છે.

સાયક્લોનિક સર્ક્યુલેશન ,વેસ્ટર્ન ડિસ્ટર્બન્સને કારણે અમદાવાદ શહેરમાં વાદળછાયું વાતાવરણ રહેવાની આગાહી કરવામાં આવી છે. ઘણા જિલ્લાઓમાં વાતાવરણમાં અચાનક પલટો આવી શકે છે. આગામી બે દિવસ તાપમાનમાં 2-3 ડિગ્રી ઘટવાની આગાહી પણ હવામાન વિભાગે કરી છે.