ભાવનગર જિલ્લામાં મેઘરાજાની ધમાકેદાર એન્ટ્રી, અનેક વિસ્તારોમાં જળબંબાકાર

Heavy rains in Bhavnagar district: ભાવનગર જિલ્લામાં મેઘરાજાએ ધમાકેદાર એન્ટ્રી કરી છે. મોડી રાત્રિથી શરૂ થયેલો વરસાદી માહોલ આજે દિવસ દરમિયાન પણ યથાવત રહ્યો હતો.

Bhavnagar rain updates: ઘોઘા તાલુકામાં માત્ર 2 કલાકમાં અઢી ઈંચ વરસાદ ખાબક્યો હતો. શિહોર, વલ્લભીપુર, તળાજા અને ઉમરાળા તાલુકાઓમાં પણ ભારે વરસાદ નોંધાયો હતો.

ભાવનગર શહેરના કુંભારવાડા વિસ્તારમાં 2 ઈંચ વરસાદને કારણે જળબંબાકારની સ્થિતિ સર્જાઈ હતી. ઘરોમાં વરસાદી પાણી ઘૂસી જતાં સ્થાનિક રહીશો મુશ્કેલીમાં મુકાયા હતા. આ વિસ્તારમાં દર વર્ષે સામાન્ય વરસાદમાં પણ પાણી ભરાવાની સમસ્યા સર્જાય છે.

તળાજા તાલુકામાં પણ ભારે વરસાદ નોંધાયો હતો. અલંગ, મણાર, કઠવા અને મથાવડા સહિતના ગામોમાં ધોધમાર વરસાદ વરસ્યો હતો.