Weather Update: આગામી સાત દિવસ ઠંડીનો માહોલ યથાવત રહેશે, જાણો હવામાન વિભાગનું લેટેસ્ટ અપડેટ

Weather Update: આગામી સાત દિવસ ઠંડીનો માહોલ યથાવત રહેશે, જાણો હવામાન વિભાગનું લેટેસ્ટ અપડેટ

પ્રતિકાત્મક તસવીર

ગાંધીનગર: હવામાન વિભાગના જણાવ્યા પ્રમાણે, આગામી સાત દિવસ ઠંડીનો માહોલ યથાવત રહેશે. હવામાન વિભાગે કરેલી આગાહી મુજબ સાત દિવસ રાજ્યના તાપમાનનો કોઈ મોટો ફેરફાર થશે નહીં.

દિવસભર પવન ફુંકાતા નાગરિકો ઠંડીનો અનુભવ કરી રહ્યા છે. હાલ રાજ્યમાં ઉત્તર-પૂર્વથી પૂર્વ દિશા તરફના પવન ફુંકાઈ રહ્યા છે. હાલ રાજ્યમાં 15થી 20 કિલોમીટર પ્રતિ કલાકની ઝડપે પવન ફુંકાઈ રહ્યા છે.

કચ્છ-સૌરાષ્ટ્રમાં લઘુતમ તાપમાન સામાન્ય રહ્યું છે. છેલ્લા 24 કલાકમાં નલિયામાં સૌથી નીચું 10 ડિગ્રી તાપમાન નોંધાયું છે.

જ્યારે વડોદરામાં 12.6 ડિગ્રી, રાજકોટમાં 13.8 ડિગ્રી, અમદાવાદમાં 14.6 ડિગ્રી, ગાંધીનગરમાં 14.8 ડિગ્રી અને સુરતમાં 18 ડિગ્રી તાપમાન નોંધાયું છે.

સૌરાષ્ટ્ર-કચ્છ સહિત ગુજરાતભરમાં હવામાન શુષ્ક રહ્યું હતું. સૌરાષ્ટ્ર-કચ્છના કેટલાક ભાગોમાં લઘુત્તમ તાપમાનમાં નોંધપાત્ર ઘટાડો થયો હતો. બાકીના પ્રદેશમાં કોઈ મોટો ફેરફાર થયો નથી.

કચ્છના કેટલાક ભાગોમાં લઘુત્તમ તાપમાન સામાન્ય કરતાં નોંધપાત્ર રીતે નીચે રહ્યું હતું. સૌરાષ્ટ્ર અને દક્ષિણ ગુજરાતના કેટલાક ભાગોમાં સામાન્ય કરતાં નોંધપાત્ર રીતે નીચે ગયું હતું.