કાલે રાજ્યના 25 જિલ્લામાં વરસાદ ભુક્કા બોલાવશે, ભારેથી અતિભારે વરસાદની આગાહી, જાણો વેધર અપડેટ

Gujarat Rain Alert: હવામાન વિભાગે ગુજરાતના અનેક જિલ્લાઓ માટે આવતીકાલે, 18 ઓગસ્ટે વરસાદની આગાહી કરી છે.

Tomorrow Rain Alert: પોરબંદર, જૂનાગઢ, તાપી, ડાંગ, નવસારી અને વલસાડ જિલ્લામાં ભારે વરસાદને કારણે ઓરેન્જ એલર્ટ જાહેર કરવામાં આવ્યું છે.

Gujarat Rain: જ્યારે અન્ય ઘણા વિસ્તારો, જેમાં કચ્છ, બનાસકાંઠા, પાટણ, મહેસાણા, સાબરકાંઠા, અરવલ્લી, મોરબી, જામનગર, દેવભૂમિ દ્વારકા, રાજકોટ, બોટાદ, અમરેલી, ભાવનગર, ગીર સોમનાથ, વડોદરા, ભરૂચ, નર્મદા, સુરત અને છોટા ઉદેપુરનો સમાવેશ થાય છે, ત્યાં યલો એલર્ટ જારી કરાયું છે.

19 ઓગસ્ટના રોજ, વરસાદનું જોર વધવાની શક્યતા છે. દેવભૂમિ દ્વારકા, પોરબંદર, નવસારી અને વલસાડ જિલ્લામાં અત્યંત ભારે વરસાદને કારણે રેડ એલર્ટ જાહેર કરવામાં આવ્યું છે.

આ ઉપરાંત, 29 જિલ્લાઓમાં ભારેથી અતિભારે વરસાદની આગાહી છે, જેમાં રાજકોટ, જૂનાગઢ, અમરેલી, ભાવનગર, ગીર સોમનાથ, ભરૂચ, સુરત, તાપી અને ડાંગમાં ઓરેન્જ એલર્ટ જ્યારે કચ્છ, બનાસકાંઠા, પાટણ, મહેસાણા, સાબરકાંઠા, ગાંધીનગર, અરવલ્લી, મહીસાગર, દાહોદ, પંચમહાલ, વડોદરા, છોટા ઉદેપુર, નર્મદા, આણંદ, ખેડા, અમદાવાદ, સુરેન્દ્રનગર, બોટાદ અને મોરબીમાં યલો એલર્ટ આપવામાં આવ્યું છે.

20 ઓગસ્ટના દિવસે, અમરેલી, ભાવનગર, નવસારી અને વલસાડ જિલ્લાઓમાં રેડ એલર્ટની શક્યતા છે. તે જ સમયે, દેવભૂમિ દ્વારકા, રાજકોટ, જૂનાગઢ, પોરબંદર, ગીર સોમનાથ, ભરૂચ, સુરત, તાપી અને ડાંગ માટે ઓરેન્જ એલર્ટ અને અન્ય 19 જિલ્લાઓમાં યલો એલર્ટ જાહેર કરવામાં આવ્યું છે.

આગામી દિવસોમાં પણ વરસાદનું જોર યથાવત રહેશે. 22-23 ઓગસ્ટ દરમિયાન, 11 થી વધુ જિલ્લાઓમાં ગાજવીજ સાથે ભારે વરસાદની આગાહી કરવામાં આવી છે, જેમાં કચ્છ, પાટણ, બનાસકાંઠા, મોરબી, દેવભૂમિ દ્વારકા, જામનગર, સુરત, તાપી, ડાંગ, નવસારી, વલસાડ, રાજકોટ, અને જૂનાગઢનો સમાવેશ થાય છે. આ તમામ જિલ્લાઓમાં યલો એલર્ટ જારી કરાયું છે.