વાયુ પ્રદૂષણથી ગૂંગળામણ? દિવાળી પછી ઝેરી હવાથી ફેફસાંને તાત્કાલિક રાહત આપવા માટે આ અસરકારક ટિપ્સ અપનાવો

દિવાળીના બાદ દિલ્હી-એનસીઆર સહિત અનેક શહેરોમાં હવા ગુણવત્તા સૂચકાંક (AQI) 'ખૂબ જ ખરાબ' થી લઈને 'ગંભીર' શ્રેણીમાં પહોંચી ગયો છે, જેના કારણે લોકોને શ્વાસ લેવામાં તકલીફ-ગૂંગળામણનો અનુભવ થઈ રહ્યો છે.

આ ઝેરી હવા, જેમાં PM 2.5 અને PM 10 જેવા સૂક્ષ્મ કણો હોય છે, તેની સીધી અસર ફેફસાં અને હૃદય પર થાય છે. અસ્થમાના દર્દીઓ, બાળકો અને વૃદ્ધો માટે આ સ્થિતિ વધુ જોખમી છે. આ ખતરનાક પરિસ્થિતિમાંથી રાહત મેળવવા માટે, જ્યાં સુધી અત્યંત જરૂરી ન હોય ત્યાં સુધી ઘરની બહાર જવાનું ટાળો, N95/N99 માસ્ક પહેરો અને ઘરમાં એર પ્યુરિફાયર અથવા તુલસી/સ્નેક પ્લાન્ટ જેવા હવા શુદ્ધ કરનારા છોડનો ઉપયોગ કરો. ઝેરી તત્વોને દૂર કરવા માટે પુષ્કળ પાણી પીવો અને જો સમસ્યા વધે તો તાત્કાલિક ડોક્ટરનો સંપર્ક કરવો હિતાવહ છે.

દિવાળી પૂર્ણ થતાંની સાથે જ મોટાભાગના ઉત્તર ભારતીય શહેરો, ખાસ કરીને દિલ્હી-એનસીઆરની હવા ફરી એકવાર ઝેરી સ્તરે પહોંચી ગઈ છે. પ્રદૂષણ અને ધુમ્મસના કારણે હવા ગુણવત્તા સૂચકાંક (AQI) ખતરનાક રીતે વધ્યો છે, જે સીધી રીતે માનવ સ્વાસ્થ્યને અસર કરે છે.

આ પ્રદૂષિત અને ઝેરી હવાની પ્રથમ અને સૌથી મોટી અસર ફેફસાં પર જોવા મળે છે. સતત દૂષિત હવાના સંપર્કમાં રહેવાથી ખાંસી, ગળામાં દુખાવો, છાતીમાં જકડાઈ જવું અને શ્વાસ લેવામાં તકલીફ જેવી સમસ્યાઓમાં વધારો થાય છે. ખાસ કરીને જે વ્યક્તિઓને પહેલેથી જ અસ્થમા અથવા બ્રોન્કાઇટિસ જેવી શ્વાસ સંબંધિત બીમારીઓ છે, તેમના માટે આ હવા 'ઝેર' સમાન સાબિત થઈ શકે છે. નાના બાળકો અને વૃદ્ધો પણ આ ઝેરી વાતાવરણમાં ખૂબ જ સંવેદનશીલ હોય છે.