Weather Updates: ગુજરાત સહિત આ 10 રાજ્યોમાં હીટવેવનું એલર્ટ, આકાશમાંથી થશે અગનવર્ષા

Weather Updates: દિલ્હીથી લઈને રાજસ્થાન-પંજાબ સુધી હીટવેવના કારણે સ્થિતિ વધુ ખરાબ થઈ રહી છે. કેટલાક રાજ્યોમાં તાપમાન 40 ડિગ્રીને પાર કરી ગયું છે. લોકોને ઘરમાં જ રહેવાની સલાહ આપવામાં આવી રહી છે

દેશ અત્યારે આકરી ગરમીના પ્રકોપનો સામનો કરી રહ્યો છે. લોકોને કાળઝાળ ગરમીનો સામનો કરવો પડી રહ્યો છે તેમજ લૂ અને હીટવેવનો પણ સામનો કરવો પડી રહ્યો છે.

ભારતીય હવામાન વિભાગે કહ્યું છે કે પંજાબ, હરિયાણા, ચંદીગઢ, દિલ્હી, પશ્ચિમ રાજસ્થાન અને પશ્ચિમ ઉત્તર પ્રદેશના લોકોને આકરી ગરમીનો સામનો કરવો પડશે. વિભાગના જણાવ્યા અનુસાર આ રાજ્યોમાં ખતરનાક હીટવેવ આવવાની છે.

IMD અનુસાર, પૂર્વી ઉત્તર પ્રદેશ, પૂર્વ રાજસ્થાન, ઉત્તરાખંડ, ઉત્તર મધ્ય પ્રદેશ, ગંગા પશ્ચિમ બંગાળ, બિહાર, ઝારખંડ અને ગુજરાતમાં પણ ગરમીનું મોજું આવવાનું છે. પૂર્વી ઉત્તર પ્રદેશ, બિહાર અને પશ્ચિમ રાજસ્થાનમાં રાત્રે પણ ગરમીથી રાહત નહીં મળે.