શું ભાડુઆત પણ સૂર્ય ઘર યોજના માટે કરી શકે છે અરજી? જાણો શું કહે છે નિયમ?

PM Surya Ghar Yojana: લોકોના એસી અને કૂલરનો વધુ ઉપયોગ કરે તો તેમના ઘરનું વીજળીનું બિલ ઘણું વધારે હોય છે. વીજળી બચાવવા માટે લોકો હવે તેમના ઘરોમાં સોલર પેનલ લગાવી રહ્યા છે.

પ્રતિકાત્મક તસવીર

PM Surya Ghar Yojana: લોકોના એસી અને કૂલરનો વધુ ઉપયોગ કરે તો તેમના ઘરનું વીજળીનું બિલ ઘણું વધારે હોય છે. વીજળી બચાવવા માટે લોકો હવે તેમના ઘરોમાં સોલર પેનલ લગાવી રહ્યા છે. તેને ઇન્સ્ટોલ કર્યા પછી લોકો ખૂબ વીજળીનો ઉપયોગ કરે તો પણ વીજળીના બિલની સમસ્યામાંથી છૂટકારો મેળવે છે.

કેન્દ્ર સરકાર ઘરોમાં સોલાર પેનલ લગાવવા માટે પણ મદદ કરી રહી છે. આ માટે ભારત સરકારે પીએમ સૂર્ય ઘર યોજનાની જાહેરાત કરી હતી. જેમાં ઘરોમાં સોલાર પેનલ લગાવવા માટે સબસિડી આપવામાં આવી રહી છે. પ્રધાનમંત્રી સૂર્ય ઘર યોજના હેઠળ શું કોઈ ભાડૂઆત પણ ઘરમાં સોલાર પેનલ લગાવી શકે છે

પ્રધાનમંત્રી સૂર્ય ઘર યોજના હેઠળ લોકોને તેમના ઘરોમાં સોલાર પેનલ લગાવવા માટે સબસિડી આપવામાં આવે છે. વડાપ્રધાન નરેન્દ્ર મોદીએ 15 જાન્યુઆરી 2024ના રોજ અયોધ્યાથી આ યોજના શરૂ કરવાની જાહેરાત કરી હતી. આ યોજનામાં અલગ-અલગ વોટની સોલાર પેનલ લગાવવા પર અલગ-અલગ રૂપિયાની સબસિડી આપવામાં આવે છે.

પરંતુ જો આપણે આ યોજના વિશે વાત કરીએ તો ભાડૂઆતો લાભ મેળવી શકતા નથી. કારણ કે યોજના માટે અરજી કરવા માટે તમારી પાસે તમારું પોતાનું ઘર અને તમારું પોતાનું વીજળીનું જોડાણ હોવું આવશ્યક છે. સૂર્ય ઘર યોજના હેઠળ જે વ્યક્તિના નામે વીજળી કનેક્શન છે તે જ વ્યક્તિ સોલાર પેનલ લગાવી શકે છે. જોકે, ઘણા મકાનોમાં મીટર ભાડુઆતોના નામે છે. પરંતુ તમે મકાનમાં ફેરફાર ત્યારે જ કરાવી શકો છો જ્યારે તમારી પાસે મકાનમાલિકની મંજૂરી હોય.

પીએમ સૂર્ય ઘર મફત વીજળી યોજના માટે અરજી કરવા માટે વ્યક્તિએ યોજનાની સત્તાવાર વેબસાઇટ https://www.pmsuryaghar.gov.in/ ની મુલાકાત લેવી પડશે. અહીં તમારે પહેલા રજીસ્ટ્રેશન કરાવવું પડશે અને પછી સમગ્ર પ્રક્રિયાને અનુસરવી પડશે અને યોજના હેઠળ સોલાર પેનલ માટે અરજી કરવી પડશે. જો તમને યોજના સંબંધિત કોઈ સમસ્યાનો સામનો કરવો પડી રહ્યો છે તો તમે ટોલ ફ્રી નંબર 1800-180-3333 પર કૉલ કરી શકો છો. આ યોજનામાં સરકાર દ્વારા 40 ટકા સુધીની સબસિડી આપવામાં આવે છે.