Russia Ukraine Conflict: રશિયન હુમલા વચ્ચે જીવ બચાવવા ભાગતા યુક્રેનના લોકો, જુઓ તબાહીની તસવીરો

Russia Ukraine War: યુક્રેન અને રશિયા વચ્ચેનું યુદ્ધ શરૂ થઇ ગયું છે. યુક્રેનમાં કાર્યવાહીને લઇને રશિયન સૈન્યએ દાવો કર્યો છે કે તેણે યુક્રેનના 70 સૈન્ય ઠેકાણાઓને નષ્ટ કરી દીધા છે. એક રિપોર્ટ અનુસાર, રશિયન સૈન્ય શુક્રવાર સવાર સુધીમાં યુક્રેનની રાજધાની કીવને ઘેરી લેશે. લોકો સલામત વિસ્તારોમાં પહોંચવા માટે તેમના સામાન સાથે અહીંથી રવાના થયા છે. આ માત્ર એક શહેરની નહીં પરંતુ સમગ્ર યુક્રેનની તસવીર છે, જ્યાં લોકોને બંકરોમાં રહેવા માટે મજબૂર કરવામાં આવી રહ્યા છે.

યુક્રેનિયન શહેર નોવોલુહાન્સકેમાં રશિયન સેના દ્વારા ભારે તોપમારો કરવામાં આવ્યો હતો. જેથી અનેક ઘરોને નુકસાન પહોંચ્યું છે.

જ્યારે રશિયાએ મિસાઈલો છોડ્યા ત્યારે તેઓ યુક્રેનના દરેક ભાગમાં પહોંચી ગયા. જ્યારે આવી જ એક મિસાઈલ કિવના શહેરી વિસ્તારમાં પડી ત્યારે વિનાશનું દ્રશ્ય જોવા મળ્યું હતું.

રશિયાએ યુક્રેનના ખૈરકિવ વિસ્તારમાં હવાઈ હુમલો કર્યો ત્યારે આખી ઈમારત ધ્વસ્ત થઈ ગઈ હતી. અહીં ઘણા લોકોએ જીવ ગુમાવ્યા છે.

યુક્રેનના ઘણા શહેરો પર ક્રુઝ અને બેલેસ્ટિક મિસાઈલોથી હુમલો કરવામાં આવી રહ્યો છે.

રશિયાના હુમલા પર અમેરિકા અને નાટો દેશોએ આકરી પ્રતિક્રિયા આપી છે. અમેરિકાએ કહ્યું કે તે નાટો દેશો સાથે વાતચીત કરીને જડબાતોડ જવાબ આપશે.

યુક્રેનની રાજધાની કિવમાં પણ વિસ્ફોટોનો અવાજ સંભળાયો હતો. રશિયાએ ખાર્કિવ, કિવ, લુહાન્સ્ક, મેરીયુપોલ અને ડોનેત્સ્કમાં ભારે બોમ્બમારો શરૂ કરી દીધો છે.

અમેરિકી રાષ્ટ્રપતિ બાઇડને પોતાના લેખિત નિવેદનમાં કહ્યું છે કે, 'રાષ્ટ્રપતિ પુતિને પૂર્વયોજિત યુદ્ધનો માર્ગ પસંદ કર્યો છે. આનાથી મોટી જાનહાનિ થઇ શકે છે.

અહેવાલો અનુસાર, રશિયન સૈનિકો ક્રિમિયા થઈને યુક્રેનમાં પ્રવેશ કરી રહ્યા છે. બે લાખથી વધુ રશિયન સૈનિકો સરહદ પર તૈનાત છે. (તમામ તસવીરો-AP and Getty Images )