ગોંડલઃ કોંગ્રેસના નેતા સામે યુવતીની બળાત્કારની ફરિયાદથી ખળભળાટ, કોણ છે આ નેતા?

આ અંગેની વિગતો એવી છે કે, ઘોઘાવદરની પરિણીતા પ્રિયાબેન(નામ બદલ્યું છે) ગોંડલ કોંગ્રેસ પ્રમુખ મુકેશભાઈ પટેલ સામે બળાત્કારની ફરિયાદ નોંધાવી છે. તેમની ફરિયાદ છે કે, મુકેશભાઈએ પ્રિયાબેનને આર્થિક લાભ આપવાની લાલચે બળજબરીપૂર્વક શરીર સંબંધ બાંધ્યા હતા.

પરિણીતાએ ફરિયાદમાં જણાવ્યું છે કે, મુકેશભાઈના સંપર્કમાં આવ્યા પછી તેમણે પ્રિયાબેનને આર્થિક લાભ આપવાની લાલચ આપી હતી અને પછી પરાણે સેક્સસંબંધ બાંધ્યા હતા. જોકે, પ્રિયાબેનને કોઈ આર્થિક લાભ ન મળતાં તેમણે વીરપુર પોલીસ સ્ટેશનમાં બળાત્કારની ફરિયાદ નોંધાવી છે. ફરિયાદ થતાં પોલીસે વધુ તપાસ હાથ ધરી છે.