જસદણ પેટા ચૂંટણી: ‘હું કુંવરજી બાવળિયાને મત આપીને આવ્યો છું’, ફોટો થયો વાયરલ

ઉલ્લેખનીય છે કે મતદાન મથકમાં ઈલેક્ટ્રોનિક ગેઝેટ ના લઈ જવાની સૂચના હોવા છતાં મોબાઈલના ઉપયોગને લઈ તપાસ થશે. ચૂંટણી પંચના નિયમ ભંગ હેઠળ કાર્યવાહી કરવામાં આવશે.

જસદણ: આજે જસદણ વિધાનસભાની પેટાચૂંટણીની પ્રક્રિયા દરમિયાન ભાજપ જસદણ નામના વોટ્સએપ ગ્રૂપમાં પોલારપર ગામના ઈવીએમનો એક ફોટો વાયરલ થયો છે. આ ફોટોમાં મતદાર ભાજપના ઉમેદવાર કુંવરજી બાવળિયાને મત આપતો જોવા મળે છે. તેને લઈ ફોટો પાડનારા વ્યક્તિ સામે ચૂંટણી પંચના નિયમ હેઠળ કાર્યવાહી થશે.

વોટ્સએપ ગ્રૂપમાં વાયરલ થયેલા આ ફોટોમાં મતદાર ભાજપના ઉમેદવાર બાવળિયાને મત આપતો જોવા મળે છે. તેણે ફોટોમાં લખ્યું પણ છે કે ‘હું કુંવરજી બાવળિયાને મત આપીને આવ્યો છું.’ આ ફોટો સામે આવ્યાં પછી ફોટો પાડનારા વ્યક્તિ સામે ચૂંટણી પંચના નિયમ હેઠળ કાર્યવાહી પણ કરવામાં આવશે.