રાજકોટઃ 'તારે તારી મા સાથે છે આડાસંબંધ', યુવતીએ આ આક્ષેપ કરી પતિના કર્યા કેવા હાલ?

રાજકોટઃ મુંજકામાં માતા સાથેના આડાસંબંધની શંકામાં પત્નીએ પતિને સળગાવી દેતાં ભારે ચકચાર મચી ગઈ છે. યુવતી અન્ય યુવતી સાથે આડા સંબંધની શંકા કરીને અવાર-નવાર ઝઘડા કરતી રહેતી હતી. દરમિયાન સોમવારે યુવતીએ માતા સાથેના આડાસંબંધની શંકામાં ઝઘડો થતાં પતિને સળગાવી દીધો હતો.

આ અંગેની વિગત એવી છે કે, મુંજકામાં શ્રી સિટી એપાર્ટમેન્ટમાં રહેતા જીતેન્દ્ર નાનજીભાઇ સોલંકી (ઉ.વ.28)ના મવડીની રીતુ પરમાર સાથે ચાર વર્ષ પહેલા લગ્ન થયા હતા. જીતેન્દ્રના માતા-પિતા અને નાનો ભાઇ રાહુલ અલગ રહે છે.

જીતેન્દ્રની ચીસાચીસથી દોડી આવેલા પાડોશીઓએ તેની ઉપર પાણી રેડીને આગ બુઝાવી હતી અને જીતેન્દ્રને હોસ્પિટલ ખસેડ્યો હતો. નોંધનીય છે કે, જિતેન્દ્ર દિવસે રિક્ષા ચલાવે અને રાતે બટેટા વેચી ગુજરાન ચલાવે છે, જિતેન્દ્રને અને રીતુબહેન વચ્ચે લાંબા સમયથી ઝઘડો ચાલે છે. એટલું જ નહીં, ઘરકંકાસથી કંટાળી જિતેન્દ્ર એક વખત ઘર છોડીને પણ જતો રહ્યો હતો.

જીતેન્દ્રને આડા સંબંધ હોવાની શંકા કરીને રીતુ અવારનવાર ઝઘડા કરતી હતી. સોમવારે તો રીતુએ હદ કરી નાંખી હતી અને પતિને તેની માતા સાથે આડા સંબંધ હોવાની શંકા કરી ઝઘડો કર્યો હતો. આ ઝઘડા પછી રીતુ પતિ ઉપર કેરોસીન રેડીને રૂમમાં ભાગી ગઇ હતી. આ પછી રસોડામાં જઇને ગેસ ચાલુ કરી કપડું સળગાવી સળગતું કપડું પતિ ઉપર ફેંકતાં પતિ સળગ્યો હતો.