Asian Games 2023: પરવીન હુડ્ડાએ બોક્સિંગમાં જીત્યો બ્રોન્ઝ, ભારતને આજે ચોથો અને કુલ 73મો મેડલ મળ્યો
મહિલાઓની 57 કિગ્રા વજન વર્ગમાં પ્રવીણને ચાઈનીઝ તાઈપેની લિન સામે હારનો સામનો કરવો પડ્યો હતો.
Asian Games 2023: ભારતીય બોક્સર પરવીન હુડ્ડાને સેમિફાઈનલમાં હાર્યા બાદ બ્રોન્ઝ મેડલથી સંતોષ માનવો પડ્યો હતો. મહિલાઓની 57 કિગ્રા વજન વર્ગમાં પ્રવીણને ચાઈનીઝ તાઈપેની લિન સામે હારનો સામનો કરવો પડ્યો હતો.
PARVEEN SETTLES FOR BRONZE🥉🥊
— SAI Media (@Media_SAI) October 4, 2023
In the Women's 57 kg boxing category at #AsianGames2022, @BoxerHooda has secured a BRONZE🥉, adding another medal to India's rich medal haul🌟
Very well played, Parveen👍🏻#Cheer4India#JeetegaBharat#BharatAtAG22#Hallabol pic.twitter.com/NMtvVN5hqR
સ્ક્વોશમાં બ્રોન્ઝ મેડલ
સ્ક્વોશમાં, ભારતને મિક્સ ડબલ્સની સેમિફાઇનલમાં મલેશિયા સામે હારનો સામનો કરવો પડ્યો હતો. આ રીતે અન્હત-અભયની ભારતીય જોડીને બ્રોન્ઝ મેડલથી સંતોષ માનવો પડ્યો હતો. મલેશિયાએ ભારતીય જોડીને 11-8, 2-11, 9-11થી હરાવી હતી.
ચીનના હાંગઝોઉમાં રમાઈ રહેલી 2023 એશિયન ગેમ્સમાં ભારતે ઈતિહાસ રચ્યો છે. 2023 એશિયન ગેમ્સના 11મા દિવસે બે મેડલ જીતીને, ભારતે એશિયન ગેમ્સની એક જ આવૃત્તિમાં સૌથી વધુ મેડલ જીતવાનો નવો રેકોર્ડ બનાવ્યો છે.
હકીકતમાં, 2023 એશિયન ગેમ્સમાં ભારત પાસે હવે 71 મેડલ છે. એશિયન ગેમ્સની એક આવૃત્તિમાં ભારતનું આ સર્વશ્રેષ્ઠ પ્રદર્શન છે. અગાઉ એશિયન ગેમ્સની એક જ આવૃત્તિમાં ભારતે સૌથી વધુ 70 મેડલ જીત્યા હતા. ભારતે આ રેકોર્ડ 2018માં જકાર્તામાં આયોજિત એશિયન ગેમ્સમાં બનાવ્યો હતો. ત્યારે ભારતે 16 ગોલ્ડ, 13 સિલ્વર અને 31 બ્રોન્ઝ મેડલ જીત્યા હતા.
2023ની એશિયન ગેમ્સમાં અત્યાર સુધીમાં ભારતે 16 ગોલ્ડ, 26 સિલ્વર મેડલ અને 29 બ્રોન્ઝ મેડલ જીત્યા છે. 11મા દિવસે, ઓજસ દેવતલે અને જ્યોતિ વેન્નમે તીરંદાજીની કમ્પાઉન્ડ મિશ્રિત ટીમ ઈવેન્ટમાં ગોલ્ડ મેડલ જીત્યો હતો. આ સાથે ભારતે એશિયન ગેમ્સની એક જ આવૃત્તિમાં સૌથી વધુ મેડલ જીતવાનો નવો રેકોર્ડ બનાવ્યો છે.
મંજુ રાની અને રામ બાબુની જોડીએ બુધવારે ભારતને પહેલો મેડલ અપાવ્યો હતો. આ ભારતીય જોડીએ 35 કિલોમીટર વૉકિંગ રેસ ઈવેન્ટમાં દેશ માટે બ્રોન્ઝ મેડલ જીત્યો હતો. 2023 એશિયન ગેમ્સમાં ભારતનો આ 70મો મેડલ હતો. ભારત હવે ઈતિહાસ રચવાથી માત્ર એક ડગલું દૂર હતું. આ પછી ઓજસ દેવતલે અને જ્યોતિ વેન્નમે તીરંદાજીમાં અજાયબીઓ કરી. આ જોડીએ સોનાને નિશાન બનાવ્યું હતું.
2023 એશિયન ગેમ્સના 11મા દિવસે અત્યાર સુધીમાં ભારતના નામે 16 ગોલ્ડ, 26 સિલ્વર મેડલ અને 29 બ્રોન્ઝ મેડલ છે. ભારત આ એશિયન ગેમ્સમાં મેડલની સદી ફટકારીને ઈતિહાસ રચી શકે છે. આજે એટલે કે બુધવારે ભારત 10 થી વધુ મેડલ જીતે તેવી અપેક્ષા છે.
ટ્રેન્ડિંગ સમાચાર
ટોપ સ્ટોરી
