BCCI અધ્યક્ષ બનવા પર મમતા બેનર્જીએ ગાંગુલીને આપ્યા અભિનંદન, ટ્વીટ કરીને કહી આ ખાસ વાત, જાણો વિગતે

આ પહેલા સૌરવ ગાંગુલીએ કહ્યું કે, તેના માટે એક સારો મોકો છે, કેમકે હું એવા સમયે બીસીસીઆઇની કમાન સંભાળવા જઇ રહ્યું છુ, ત્યારે તેની ઇમેજ ખરાબ થઇ ગઇ છે

મુંબઇઃ ભારતીય ક્રિકેટર ટીમના પૂર્વ કેપ્ટન સૌરવ ગાંગુલીનું નિર્વિરોધ બીસીસીઆઇના અધ્યક્ષ બનવુ નક્કી છે. 'બંગાલ ટાઇગર'ને નવી જવાબદારી મળવાથી પશ્ચિમ બંગાળના મુખ્યમંત્રી અને ટીએમસી અધ્યક્ષ મમતા બેનર્જી ખુબ ખુશ છે. તેમને ગાંગુલીને ટ્વીટ કરીને અભિનંદન પાઠવ્યા અને કહ્યું તમે ભારત અને બંગાળને ગૌરવાન્તિત કર્યુ છે. મમતા બેનર્જીએ કહ્યું કે, ''ગાંગુલી સર્વસંમતિથી અધ્યક્ષ સિલેક્ટ થવા પર હાર્દિક અભિનંદન, તમારા કાર્યકાળ માટે શુભકામનાઓ. તમે ભારત અને બંગાળને ગૌરવાન્તિત કર્યુ છે. અમને CAB અધ્યક્ષ તરીકે તમારા કાર્યકાળ પર ગર્વ હતો, નવી ઇનિંગ શાનદાર રહેવાની આશા છે..''

Heartiest congratulations to @SGanguly99 for being unanimously elected @BCCI President. Wish you all the best for your term. You have made India and #Bangla proud. We were proud of your tenure as CAB President. Looking forward to a great new innings.

— Mamata Banerjee (@MamataOfficial) October 14, 2019

ઉલ્લેખનીય છે કે, આ પહેલા સૌરવ ગાંગુલીએ કહ્યું કે, તેના માટે એક સારો મોકો છે, કેમકે હું એવા સમયે બીસીસીઆઇની કમાન સંભાળવા જઇ રહ્યું છુ, ત્યારે તેની ઇમેજ ખરાબ થઇ ગઇ છે. બીસીસીઆઇના અધ્યક્ષ પદની રેસમાં સૌરવ ગાંગુલીની સાથે બૃજેશ પટેલ હતા, જોકે ગાંગુલી હવે એકલો ઉમેદવાર બન્યો હતો.