ICC એ લગાવી પાકિસ્તાનને ફટકાર, કહ્યું- ટીમ ઈન્ડિયાએ અમને પૂછીને પહેરી હતી આર્મી કેપ

નવી દિલ્હીઃ ધોનીના હોમ ટાઉન રાંચીમાં ટીમ ઈન્ડિયા આર્મી કેમ પહેરીને મેદાનમાં ઉતર્યા બાદ પાકિસ્તાને ICCમાં ફરિયાદ કરી હતી. આઈસીસીએ આ મુદ્દે પીસીબીને ફટકાર લગાવતાં કહ્યું કે, ભારતીય ટીમે અમને પૂછીને આ ખાસ કેપ પહેરી હતી. આઈસીસીએ સોમવારે કહ્યું કે, ભારતે ઓસ્ટ્રેલિયા સામે ત્રીજી વન ડે મેચમા દેશના સૈનિકો પ્રત્યે કૃતજ્ઞતા વ્યક્ત કરવા માટે સૈનિકો જેવી ટોપી પહેરવાની મંજૂરી માંગી હતી. પાકિસ્તાને તેના પર વાંધો ઉઠાવ્યો હતો. રાંચીમાં 8 માર્ચના રોજ રમાયેલી ત્રીજી વન ડેમાં ભારતીય ટીમે પુલવામા આતંકી હુમલામાં શહીદ થયેલા CRPF જવાનોના સન્માનમાં આર્મી કેપ પહેરીને મેદાનમાં ઉતરી હતી અને મેચ ફી દાન કરી હતી. આઈસીસીએ નિવેદનમાં જણાવ્યું કે, બીસીસીઆઈએ ભંડોળ એકત્ર કરવા તથા શહીદ સૈનિકોની યાદમાં ટોપી પહેરવાની મંજૂરી માંગી હતી અને તેની મંજૂરી આપવામાં આવી હતી.

International Cricket Council (ICC) spokesperson to ANI on Team India sporting camouflage caps at a match: The BCCI sought permission from the ICC to wear the caps as part of a fundraising drive and in memory of fallen soldiers (in Pulwama attack), which was granted. (File pic) pic.twitter.com/pWAMPAgZGR

— ANI (@ANI) March 11, 2019

પાકિસ્તાન ક્રિકેટ બોર્ડે આઈસીસીને આ અંગે પત્ર લખ્યો હતો અને આ રીતની ટોપી પહેરવા માટે ભારત સામે કાર્યવાહી કરવાની માંગ કરી હતી. પીસીબી પ્રમુખ એહસાન મનીએ રવિવારે કરાંચીમાં કહ્યું હતું કે, તેમણે અન્ય કોઇ હેતુથી આઇસીસીની મંજૂરી લીધી નહોતી અને તેનો ઉપયોગ બીજા હેતુ માટે કરવામાં આવ્યો તે સ્વીકાર્ય નથી.

To pay homage to the martyrs of Pulwama Terror Attack, the players will donate today's match fee to the National Defence Fund #JaiHind pic.twitter.com/vM9U16M8DQ

— BCCI (@BCCI) March 8, 2019

આ અંગે પાકિસ્તાનના સૂચના પ્રસારણ મંત્રી ફવાદ ચૌધરીએ ટ્વિટ કરીને લખ્યું હતું કે,  ‘આ ફક્ત ક્રિકેટ નથી. મને આશા છે કે ICC રમત પર થઇ રહેલી રાજનીતિને લઇને કાર્યવાહી કરશે. જો ભારતીય ક્રિકેટ ટીમ આ બધુ બંધ નહીં કરે તો પાકિસ્તાન ક્રિકેટ ટીમે કાળી પટ્ટી પહેરીને ઉતરવું જોઇએ અને વિશ્વનેને કાશ્મીરમાં થઇ રહેલા ભારતનાં અત્યાચારોને ઉજાગર કરવા જોઇએ.’

Lt Col Mahendra Singh Dhoni presents the camouflage cap to #TeamIndia Captain @imVkohli #JaiHind ???????????????? pic.twitter.com/edLkFJQvSV

— BCCI (@BCCI) March 8, 2019